FLORENTINA 721

constet. Alteram vero inefficacem ostendit, quippe de Ar-

chiepiscopi incardinantis intentione nullum adsit vestigium,

praeter adsertionem unius testis, quem lamen suspicionem

redolere contendit. Dum e contra Decretum S. Congrega-

tionis Concilii diei 20 Iulii 1898 (1), quod praecepit in-

cardinationem in scriptis faciendam esse, licet vi retroactiva non gaudeat, tamen praeexistens principium ostendit, quod

nempe ut probata dici possit incardinatio, de incardinantis

intentione certo constare debet.

Nec favore incardinationis, iuxta patronum, indicia va-

lent quod nempe Presbyter N. N. per plures annos Flo-

rentiae moram traxerit, sacerdotalia munera exercuerit, of-

ficium Vice-parochi obiverit ; nam et alii Sacerdotes Flo-

ren tiae morantur quin sint Archidioecesi incardinati, facul-

tas insuper exercendi munia sacerdotalia e. g. praedicandi,

confessiones audiendi etc., etiam extraneis, dummodo dignis,

conceditur; officium demum Vice-parochi est natura sua

amovibile ac proinde revocabile ad nutum. At indicia ma-

ioris ponderis adsunt incardinationem adversantia. Ceteris

omissis, paulo post praetensam incardinationem, cum ad

periculum subeundum pro sacramentali confessione excipienda

Sacerdos N. N. vocatus esset, in Curiae actis ipse signatus

est uti Sacerdos extraneae dioeceseos, quaeque denominatio in posterum semper retenta fuit.

Deinde progreditur advocatus animadvertens ad praefati

Presbyteri remotionem, quum non habeatur incardinatio,

causam canonicam regulari processu cognitam non requiri,

secus enim conditio Cleri extranei aequalis imo melior es-

set quam Cleri dioecesani. Sane dioecesani neque a Dioe-

cesi dimitti, neque absque Curiae licentia discedere possunt;

e contra extranei, dum a Dioecesi expelli nequeunt, ab ea-

dem tamen sine Curiae licentia exire libere possent.

Nec obiiciatur, ait patrocinator, Decretum ab H. S. C. ad

Episcopos missum die 17 Decembris a. 1839 (2), quum

(1) Cfr. Acta S. Sedis, vol. X X X I , pag. 49.

(2) Hoc Decretum super Clericis extraneis ita relatum est a Bizzarri in Collectanea

Acta, Tom. XXXVI. fase. CDXXX1I. 46