TAURINEN. 723

dioecesi domus mater existit: et multi alii Ordinarii peni- tus petitioni favent, et auctores consilio fuerunt ad postu- landum hoc privilegium, utpote bene conscii ipsum Socie- tati Salesianae necessarium esse.

Demum Procurator obviât difficultati quae forte afferri posset, nempe quod hoc privilegium directe et nominatim post Tridentinum Concilium tantum Ordinibus votorum so- lemnium et non Congregationibus votorum simplicium con- cedi solet; siquidem ipse observat, ut sileat de aliis Insti- tutis votorum simplicium, 1. quod Congregatio a SSmo Redemptore directe hoc privilegium obtinuit pro omnibus eius provincias ultra montes a Pio VII decreto S. Congre- gationis de Propaganda Fide, die 3 Octobris 1803. 2. Eam- dem facultatem habuerunt Presbyteri Congregationis Missio- nis directe a Romanis Pontificibus urbano VIII an. 1632, Alexandro VII an. 1655, Benedicto XIII an. 1725 et no- vissime a sa. me. Pio IX Brevi Religiosas familias, die 3 Maii 1855. 3. Idem privilegium, etsi ad quinquennium, ab actuali Pontifice Leone XIII rescripto S. Congregationis Episcoporum et Regularium sub die 21 Iunii 1895 conces- sum fuit Congregationi Augustinianae ab Assumptione, fun- datae ab Abbate Picard : iam vero cum haec Instituta sunt votorum simplicium et non solemnium, uti etiam est So- cietas Salesiana, Procurator postulat ut idem privilegium cum facultate extra tempora suae Congregationi concedatur.

R A T I O N E S PRO DENEGANDA CONCESSIONE . Sed obstant ex adverso sanctiones Tridentinae, confirmatae a Romanis Pon- tificibus Gregorio XIII, Xisto V, Clemente VIII, Innocen- tio XIII et praesertim a Benedicto XIV in sua percelebri Constitutione Imposui nobis, an. 1747.

Sane Benedictus XIV in praefata constitutione ab initio enarrat veterem fuisse controversiam utrum Regulares a quocumque catholico Episcopo ordinari possint, vel potius essent ordinandi ab Episcopo, in cuius dioecesi esset mona- sterium. Episcopi locales, utpote dioecesani regularium in sua dioecesi incolentium, hoc ius sibi vindicabant innixi ge-