724 LEOPOLIEN. SEU PRESMILIEN.

disp. 11 n. 11 iuxta sententiam S. Thomae. Picler Ius Can" lib. IV tit. 19 n. 2 etc. Quae omnia una simul perpensa, eam moralem gignere certitudinem contendit, quam S. C. C. prae oculis habet, saltem pariformiter ad physicas peritias, quae plerumque augent difficultatem in consummatione in- vestiganda. Reapse commemorat in Gandaven. 17 Bec. 1845 concessam fuisse dispensationem a matrimonio, simpliciter rato, etsi de non secuta corporum commixtione moralis tan- tummodo certitudo concurreret, quia neutrius coniugis corpus exploratum fuerat. Pariter in Parisien. 28 Martii 1851 et 20 Iunii 1858 marchio de Grolée inexpertus iuvenis vix e collegio egressus, praestito iuramento, matrimonium cum quadam Caillard contractum, consummatum fuisse negavit. Licet autem sex menses una simul cohabitassent et mulier carnalem copulam intercessisse iuraret, quantumvis matrimo- nii vindex de negativa coarctata obiectione vehementissime urgeret, Archiepiscopus contradiceret et lex civilis obstaret, morale triumphavit argumentum pro dispensatione. Neque absimiliter in Csanadien. diei 31 Ianuarii 1863, in Lycien. 30 Iunii 1877, in Viennen. 23 Martii 1878, et nuperrime in Wladislavien. 15 Iunii 1889, in quibusque corporum in- spectione, attenta plerumque unius tantum partis iurata in- consummationis confessione septimae manus testimonio suf- fulta, dispensatio concessa fuit. Tandem eodem certitudinis moralis criterio terminatam fuisse adnotat notissimam causam Tergestinam die 11 Becembris 1876. Ibi, ait, per octo men- ses simul sponsi cohabitaverant ; uxor penes civile tribunal se utero fuisse gravem; nihilominus iurata mariti depositio praevaluit. Unde concludit patronus, facilius in casu dispen- sationem concedi posse ubi geminata confessio utriusque con- iugis existit.

Brevius in altero orationis capite causas dispensationis enumerans, praemittit, inquisitionem hanc nullum exposcere determinatum probationis genus, cum res tota a Supremi Principis et S. C. benignitate dependeat. Ac primo grave dubium allegat super matrimonii validitate, quod hic iuxta