724 EX S. C. EPISC. ET REGUL.

quisitis ad eamdem constituendam; (Cfr. Gasparri, De Sacr. Ordin. v. 2, n. 810), quemadmodum in iure veteri et no- vo non concipitur Clericus acephalus, uti docent Benedi- ctus XIV (De Syn. Dioec. lib. XI, c. 2, n. 4 et 7) et Conc. Tridentinum (Sess. XXIII, c. 16), quodque concludit Cle- ricum post obtentam a proprio Ordinario excardinationem censendum esse ad illam Dioecesim pertinere, in qua a bene- volo Episcopo receptus fuit. Ideoque et praedictus Sacerdos qui a suo Ordinario excardinationis litteras obtinuit, Archi- dioecesi Florentinae adiudicandus est, ubi per octo circiter annos munera obiit sacerdotalia.

Supra citatum Decretum S. C. C. «A primis Ecclesiae saeculis», diei 20 Iulii 1898 ad rem non facit, sive quia in- cardinationem et excardinationem respicit relate ad Ordines sacros recipiendos, novum ordinationis titulum aliis quatuor praeexistentibus adiungendo, sive quia illud non est simplex declaratio vel extensio iuris extantis, sed novam legem constituit, uti ex textu et contextu liquet : « Verum no- stris temporibus novae contentioni frequens se praebuit oc- casio», et uti expresse docet Lega in tractatu De Iudiciis, ubi loquendo de SS. Congregationum decretis, quae novae legis vim habent, huiusmodi affert Decretum, quod prae- cise complura statuit quae hactenus iure communi non con- tinebantur. Leges autem vim retroactivam per se habere ne- queunt, ac proinde Decretum S. C. C. non respicit Sacer- dotem N. N., qui incardinationem obtinuit a. 1895.

Sed, addit patronus, etiam admisso conceptu incardina- tionis a Decreto S. C. C. exhibito, quae nempe sit perpe- tua dimissio Clerici e propria dioecesi et eius in aliam re- ceptio per auctoritatem Ordinarii, excardinatio suum non sortitur effectum nisi prius antecesserit incardinatio ; in casu autem Episcopus proprius Sacerdotis N. N. eidem concessit excardinationem et Archiepiscopus Florentinus scienter et. volenter eumdem in propria excepit et retinuit. Concluden- dum igitur est Presbyterum N. N. huic Archidioecesi fuisse incardinatum, nisi Clericum acephalum admittere velimus.