Iurium canonicalium 725

ob eius animi dotes prudentiam ac scientiam, non solum

stallo, sed etiam aliis privilegiis singulis capitularibus compe-

tentibus frui debere. Atqui si pius fundator praebendae theo-

logali omnia haec privilegia inesse voluisset, in ipso decreto

erectionis, non vero in nominatione quae decretum subsequitur,

de his mentionem fecisset. Ergo talis concessio privilegium

personale est, quod cum persona extinguitur. Et re sane vera,

antequam praebendam theologalem fundasset, tres alios ipse

canonicatus instituerat, in quorum erectionis Decreto expresse

declaraverat, ut ipsorum possessores omnibus fruerentur pri-

vilegiis, quae aliis canonicis competunt : cur igitur ita non

se gessit in hac ultima fundatione? Profecto quia privilegium

aliquod personale Canonico C. contulit in eius successores

non' transiturum.

Neque suffragatur noviter investito, duos alios successo-

res C. his iuribus fuisse gavisos, cum per novennium tantum

his usi fuerint, quod nullatenus sufficit ad praescriptionem

stabiliendam. Quod si tamquam reale ius theologi habeatur

capitularibus comitiis interessendi, certum est, nullatenus eidem

fas esse huiusmodi iure frui his in sessionibus, in quibus de

rebus administrativis agitur, cum expresse vetitum fuerit in

Litteris erectionis canonico theologali participationem aliquam

habere sive Mensae capitularis reddituum, sive distributionum

quotidianarum atque incertorum.

EA QUAE PROSTANT FAVORE CANONICI THEOLOGI M. His vero

obsistit Canonicus Angelus C. inquiens absurdum esse, C a -

nonicum Theologum, qui unus ex praecipuis canonicis in

quovis Capitulo est, a Comitiis Capitularibus removere post

centum fere annos, quibus eo iure antecessores gavisi sunt, et

quo etiam nunc ipse gaudet. Canonici qui denegant Theologo

ius interessendi Capitularibus Comitiis, autumant in Bulla ere-

ctionis Canonicatus Theologalis contineri privilegium concessum

tantummodo Angelo C. cui primitus illud beneficium collatum

fuit. Priusquam directe huic gratuitae assertioni responsum

detur praenotandum ait, quod indoles Canonicatus Theologalis