726 Iurium canonicalium

cuiuscumque Cathedralis Ecclesiae differt summopere ab indole

ceterorum canonicatuum ; dum enim canonicatus ceteri quo-

modocumque erecti, indigent probatione capituli et sanctione

Episcopi circa ea, quae obtinent tam ad existentiam, quam

ad iura propria, capitulum nullam potestatem habet impe-

diendi canonicatus Theologalis erectionem, nec eiusdem iuribus

occurrendi, neque Episcopus in Bulla possessionis canonicatus

Theologalis impertitur eidem iura, sed manifestat. Ratio est

quia Ecclesia, et Romani Pontifices sunt Institutores cano-

nicatuum Theologalium cuiuscumque Cathedralis Ecclesiae,

eo quod decreverunt ut in qualibet Cathedrali Ecclesia cano-

nicatus Theologalis erigeretur, atque adeo quilibet Theologalis

canonicatus existit in iure, priusquam iam erigatur in facto.

Sed cum interventus ad comitia capitularia sit unum ex prae-

cipuis canonicorum iuribus, inde scatet, quemlibet canonicum

Theologum idem ius possidere independenter a capitulo.

Qua exposita animadversione, directe ita illorum obiectio-

nibus occurrit. Adversarii, inquit, toti sunt in asserendo, iura

canonici Theologi, de quibus est sermo in Bulla Institutionis

factae ab Erño cardinali Episcopo die 30 maii 1 7 7 4 , esse pri-

vilegia Canonico C. concessa intuitu meritorum eiusdem, de

quibus in dicta Bulla fit mentio specialis: at undenam ideam

istam privilegii collegerunt? in Bulla ne verbum quidem fit

de privilegio : quadraginta septem anni transiere a tempore

Institutionis canonicatus usque ad eiusdem suspensionem, et

nemo canonicorum, qui illis temporibus floruere insignes pie-

tate, prudentia et doctrina, de hoc privilegio suspicatus

unquam est. Nec iuvat oggerere cardinalem Episcopum insti-

tutorem eiusdem praebendae Theologalis apertis verbis fateri,

se inductum fuisse ad conferendum canonicatum Domino C.

intuitu meritorum eius ; etenim verba de meritis C. sunt

quaedam velut formulae, quae adhibentur ab omnibus fere

collatoribus in suis conferendis Beneficiis eo fine, ut omnes,

ad quos spectat, sciant subiectum, cui Beneficium confertur,

iis omnibus esse praeditum dotibus, quas lex et decus in