726 LEOPOLIEN. SEU PRESMILIEN.

causa discordiae docent Sánchez De Matrim, dispensatione 10, Caietanus tom. 1 Opuse, irad. 28 etc. retinuitque S. Con- gregatio. Ita in Ianuen. 20 Martii 1719 se gessisse meminit orator relate ad matrimonium Annae Pallavicini cum Iacobo Imperiali, ubi morali certitudine comprobata inconsummatione, causam iustam dispensationis recognovit « tum in odiis et inimicitiis nedum inter coniuges, sed etiam inter nobiles utriusque partis consanguineos exortis, quae prorumpere pos- sent in perniciem publicae tranquillitatis. » Quibus concinit Ursaya cit. op. tom. 3 p. 2 disc. 21 aliique passim.

ANIMADVERSIONES DEFENSORIS s. VINCULI. Altera sed vero ex parte matrimonialis vinculi defensor praemittit mutuo amore in themate nuptias fuisse conciliatas. Comes enim cum primum. Henricam vidit, eius amore captus est, ita ut et in iudiciali examine id deposuerit. Quod et testes Alexandra Mackiewicz et comitissa Barbara Los plene confirmant. Ne- que mulier, ait, comitis amorem, amore compensare desiit. Licet enim de prima vice qua illum allocutus fuit remissius sentiret ; tamen postea familiari consuetudine et transmissis munusculis, apparet, valde amorem fuisse excitatum. Neque per comitem stetisse, subdit sacramenti vindex, quominus nuptiae extemplo fierent. Namque comes ascito iuramento affirmat; ab initio Henrica mihi placuit et ego studui, ut cum ipsa cito matrimonium celebraretur: et hoc etiam presmi- liensis Episcopus in suis uteris diei 12 Septembris 1889 te- status est. Ceterum mutuus amor quo die sponsalia inita fuere, perspicue, ex iis quae mulier enarrat, ostenditur. Siqui- dem cum simul neosponsi in viridarium profecti ad invicem suaviati essent, ille mihi dixit: sentio quod nos erimus fe- lices; ab hoc puncto ego affecta fui vero amore erga illum.

Matrimonium vero celebratum est postquam uterque co- niux dispensationem a duobus ex tribus bannis implorasset, quin aliquid minus iucundum, praesertim comes ostenderet..

Post nuptiarum solemnitatem, memorat vinculi sacramen- talis adsertor, coniuges ad multam noctem profectos fuisse ad comitis villam Sredniam wies, ac exinde in plures civi-