LEOPOLIEN. SEU PRESMILIEN. 727

tates ubi ultra bimestre conversati sunt, testibus ac arbitris remotis. Risum vero defensori movet comes asserens in se- paratis cubiculis unumquemque degere et noctu Henricam clavibus ianuam obserare; nam id centies denegat, ascita iu- ramenti fide, coniux, et Episcopus scribit: « In diversoriis habitabant et dormiebant coniuges in separatis quidem cubi- culis, ast patebat per fores aditus ex uno ad alterum. > Haec autem vehementissimum praesumptionem consummationis ma- trimonii inducere videntur, praesertim eo quod ex processua- libus actis satis superque constet, coniuges genio neque ine- ptos, neque insuetos fuisse.

Ulterius animadvertit defensor, coniuges, absoluto nuptiali itinere, luna mellis se adhuc perfrui indubie ostendisse. Pa- rochus enim Szarlinski, qui nupturientibus suppetias tulerat, interrogatus num et quando munus aliquod ab eis recepis- set, reposuit : nihil recepisse ante matrimonii celebrationem, sed post reditum ab exteris nationibus, munera distincta ab unoquoque ex sponsis, sed pretiosiora a comite accepisse. Unde arguit sacramenti vindex haud credendum esse, comi- tem et Henricam per tam diuturnum temporis intervallum mutuo quidem amore se fnisse prosecutos, iucunde ac lepide ad invicem conversatos, amplexibus et osculis induisisse, quin tamen thalamum conscendere ausi fuerint, sin minus absque lodice, quae inter concumbentes intercederet. Nec verisimilis magis ei apparet, coniuges quibus coeundi inerat cupido ab ea manifestanda abstinuisse, quia vir uxori, uxor autem viro id oneris incumbere existimabat. Eo vel magis quod instanti iudici : an taedio afficeretur ex eo quod consummare non pos- set matrimonium, respondit: maximo affectus sum dolore, ita ut aegrotarem. Et comitissa in iudiciali examine narravit: quod cubantes in eodem lecto osculum dedi et accepi; sed alia amoris indicia non dedit mihi: neque ego alia exhibui signa amoris per horam qua in lecto permansimus.

Quae fides autem habenda sit in his coniugum et testium depositionibus, dimetiendum in primis est, iuxta defensorem, ex eo quod comes professus sit quod in principio nemini hoc