FLORENTINA. 727

hanc ob causam quod ipse non esset dioecesanus. E contra saltem certum est in causis criminalibus forum competens sortiri ubi patratum est delictum; « ratione criminis, ait Santi loc. cit., qui aliquod crimen admiserit, sortitur fo- rum in loco criminis, etsi alibi domicilium habeat ».

Ut necessitatem formalis processus ad iuris tramitem magis ostendat patronus, nonnisi calumnias contra praefatum Presbyterum accusatores et testes , quorum nomina iniuria abscondita sunt, detulisse asserit atque contrarias deposi- tiones opponit, quae bonam famam eiusdem Sacerdotis at- que eius honestatem satis superque evincunt. Concludit igi- tur dispositionem Ordinarii Florentini sustineri non posse.

Sint dubia: I o . An Sacerdos N. N. sit incardinatus Archidioecesi Flo-

rentinae in casu. Et quatenus Negative ;

2°. An sustineatur dispositio Ordinarii Florentini quoad remotionem Sacerdotis N. N. in casu. Emi Patres, omnibus accurate perpensis, haec dederunt

responsa : Ad l u m . Negative. Ad 2 u m . Affirmative et ad mentem.

Colliges

I o . S. C. Concilii, ut institutum incardinationis et excar- dinationis pluribus in locis usu receptum et saepe con- troversiis et abusibus viam sternens intra certos limites coarctaret, Decreto diei 20 Iulii 1898 (1) statuit: « In- cardinationem faciendam esse ab Episcopo non oretenus sed in scriptis, absolute et in perpetuum... et ad hanc incardinationem deveniri non posse, nisi prius ex le- gitimo documento constiterit alienum clericum a sua dioecesi fuisse in perpetuum dimissum excardina- tionem nec effectum undequaque sortiri, nisi incardi- natione in alia dioecesi executioni demandata ».

(1) Cfr. Acta S. Sedis, vol. X X X I , pag. 49.