728 MELEVITANA

Quum autem notum sit quod mos non est in Societate Iesu, ut pro novitiorum victu, vestitu et ceteris, quae ad su- stentationem pertinent, a genitoribus aliisve pecunia solva- tur, - ad A. R. P. Generalem litterae datae sunt, ut edu- ceret quid de supradicto responso cogitandum esset.

Renuntiavit A. R. P . , non quidem esse moris Societatis, a Novitiis quiddam gratificationis aut pensionis exigendi; attamen Provinciae siciliae, cum tantopere bonis et pecunia orbata sit, ut, unde socios convenienter sustentet, non ha- beat, et vere gravi indigentia prematur, permissam esse fa- cultatem, sua hac in parte specialia statuta faciendi exequen- dique; neque igitur se contra petita a Vidua Zarb, neque contra responsum P. Praepositi ullam difficultatem movere.

Disceptat io Synoptica.

P R E C E S A C C I P I E N D A E V I D E N T U R . His relatis vix aut ne vix quidem aliquid addendum superest. Etenim notissimum cuique est S. C. C. non abhorrere, ex iuxta et rationali causa, a commutandis testatorum voluntatibus, ut alicui fun- datorum piarum causarum consanguineo, etiam relativa tan- tum paupertate laboranti, subveniatur, ceu constat ex Ro- mana Subsidii 30 Martii et 3 Augusti 1858 ad 4 dub., ex alia Romana Alimentorum 28 Augusti 1841, ex Ro- mana seu Auximana Subsidiorum dotalium 15 Martii 1794 aliisque quamplurimis. Atqui in themate agitur de persona in extrema paupertate versanti, quaeque eo maiori benignitate et misericordia excipienda videtur, quo liberalior in Deum fuit, magisque pia ac religiosa. Siquidem unicum filium suum quem vitae et senectutis suae baculum et levamen habebat, Domino libenter donavit et sacravit, ac passa est ut in dis- sitas regiones abiret et in bonum religionis et ad proximi salutem inter infideles vitam impenderet. Unde etiam pro oratrice novus haberi videtur titulus ad gratiam.

Nam exploratum est ad divinum cultum augendum, et ad animarum salutem assequendam, quatenus alia media deessent, S. C. C. saepenumero induisisse, nedum testatorum