728 LEOPOLIEN. SEU PRESMILIEN.

dixerit, sed tantum quando meditavit divortium, tempore ae- depol suspectissimo hoc dixisse gerenti Henrico Fuchs. Quod vero comitissam attinet, observat, antequam illa ad iudicium accederet, comes coram tabellione in forma iuris debita se obstrinxisse rependere 125 mille florenos suae uxori, post- quam matrimonium renunciaretur solutum.

Comitissa praeterea iureiurando retulit: sese accepisse char- tam, subsignandum ; quae has continebat declarationes, con- cinnatas et manu propria scriptas a marito; quod nempe coacta fuerit ad matrimonium, a quo dissolvi cuperet. Ha- rum declarationum exemplar feci et subsignavi, ait mulier. Quibus si ea addantur quae Presmiliensis Episcopus retulit, concludit defensor, in vado positum esse coniuges in matri- monium temere coniurare eiusque valori, interposita pecunia, nuncium mittere, quasi de re quae a lubitu eorumdem con- iugum pendeat ageretur.

Comes Plater, pergit sacramenti vindex, falsa ductus opi- nione matrimonii dissolubilis quoties partes in id conveniant, uti testatur Presmiliae Antistes, et divitiis affluens comitissam Laczynska paupertate pressam, ad omnia paratam experitur.

Obiici quidem potest tractatus inter coniuges eo spectasse ut matrimonium coactum ostenderent, dum e contra praesens iudicium quoad inconsummationem agitur. Ast vinculi de- fensor haud exinde excludi monet quod et de inconsumma- tione asserenda pactum fuerit. Quinimo inter declarationes a comite uxori praescriptas, hanc sub num. 2 reperiri ob- servat: causam aversionis ad invicem esse absentiam rela- tionum coniugalium. Hic igitur ea syngrapha exhibenda fuis- set quam Henrica transcripsit, ac Bursynski, corniti deferen- dam, tradidit, nec non illae epistolae quae sive ab Henrico Fuchs sive ab ipso comite in suo examine memorantur; quae omnia ad collusiones et fraudes praecavendas agnoscere omnino necessarium existimat. Dolet proinde neque eas, neque alias litteras comitis Komoroski actibus processualibus fuisse in- sertas, et relatam Fuchs epistolam in adverso summario pe- nitus deficere.