730 LEOPOLIEN. SEL' PRESMILIEN.

bris 1888, scilicet decem dies antequam comitissa ad examen coram archiepiscopali curia leopoliensi accederet, solemni in- strumento cavisse Henricae antedictam summam centum vi- ginti quinque millium florenorum et comitissam subscripsisse syngrapham, de qua supra dictum est. Iamvero post Archie- piscopi responsum primo illi libello, quem nunc una cum re- lativo S. C. C. Rescripto inter acta processus haud reperire potuisse dolet, alium libellum subrogatum fuisse recolit. Fa - tetur quidem comitis orator se primitivum libellum emen- dasse ex errore facti : at miratur sacramenti vindex, cum in praesenti causa agatur de inconsummatione matrimonii, comitem Plater in urbe Roma a patrono suo facta huius- modi didicisse, quamvis in citata pluries epistola ad Emum Praefectum comitissa monuerit « Certains rapports entre deux » époux ne se passent que dans l'intimité la plus impéné- » trable. » Neque meliori omine affirmari contendit, libellum fuisse emendatum salva manente substantia. Vulgatum enim est non assertionibus, sed monumentis in iudiciis dimicari, et aliunde cum omnia quae in actis prostant post stipula- tionem 125, 000 florenorum et iudicialis confessionis formu- lam a viro uxori impositam edita sint, apprime necessarium defensori videtur, quid comes vel comitissa de matrimonii sive valore sive consummatione ante hoc tempus senserint, cognoscere.

Verumtamen et maiora hac in re esse perpendenda va- liditati, tutor observat. Siquidem recolit comitis patronum in novo libello matrimonium coactum proclamare non iam ob metum comitissae a matre illatum, sed e converso, quia comes dolo malo et violentia a parocho Szarliski adductus est ut matrimonium iniret. Misso autem quod comes Plater tunc 38 aetatis suae annum agens, vitae socialis expers et omni suorum tutela destitutus incongrue asseritur, et quod religioso viro cui comes post nuptiale iter grati animi ergo munus haud modici valoris largitus est, mysteriosae sollici- tudines ab iis qui eius litteras coactionis causam non edunt inconsulto appinguntur, quaerit quaenam sit tandem aliquando