750 EX S. C. CONCILII

quae inoievit, qua canonici, seu clerici cathedralium... dis- tributiones quotidianas (quae alias manualia beneficia seu victualia nuncupantur et tantum residentibus tribuuntur) qualitercumque in civitatibus seu aliis locis sint praesentes licet divinis officiis non intersint, ex integro percipiunt, ac si continue ipsis ecclesiis in eisdem officiis deservirent, pe- nitus improbantes, statuimus, ut distributiones ipsae quoti- dianae in quibuscumque rebus consistant, canonicis... ipsa- rum ecclesiarum, qui eisdem officiis in ipsis ecclesiis a d i e - rint tribuantur. Qui vero aliter de distributionibus ipsis quidquam receperit (exceptis illis quos infirmitas seu iusta et rationabilis corporalis necessitas, aut evidens ecclesiae utilitas excusaret) rerum sic receptarum dominium non acqui- rat, nec faciat eas suas; imo ad omnium restitutionem, quae contra huiusmodi Nostram Constitutionem receperit, teneatur ». Quod decretum Conc. Tridentinum (Sess. 24, cap. 12, de Reform.) observari mandavit, non obstantibus quibuscumque statutis et consuetudinibus; imo (Sess. 21, cap. 3, de Reform.) praecepit ut in ecclesiis, in quibus distributiones non essent constitutae, aut essent adeo tenues ut despicerentur, ex omnibus proventibus et fructibus ca- nonicatuum et beneficiorum secerneretur tertia pars impen- denda in quotidianas distributiones, data Episcopis potestate procedendi etiam tamquam Apostolicae Sedis delegatis. Et ipsa S. C. Concilii pluries declaravit (uti in Farfensi, 20 Dec. 1738) doctrinam circa distributiones aptandam quoque esse punctaturis.

Quoad exemptionem vero a choro et a residentia pro- pter evidentem utilitatem ecclesiae, iuvat heic referre quod scribit Ferraris (v. Distributiones, art. 2, n. 7): « Evidens ecclesiae utilitas intelligitur de utilitate ecclesiae particularis, de cuius distributionibus agitur, non autem de alterius eccle- siae particularis, vel ecclesiae generalis ». Idem docet Fagna- nus (lib. III Decr.,cap. Licet, n. 160). Hinc Ferraris (loc. cit.) habet : « Episcopus Canonicus dum abest ex causa Visitationis suae dioecesis distributiones quotidianas non lucratur ». Ita