LEOPOLIEN. SEU PRESMILIEN. 73 i

actoris intentio. Refert enim ex Leurenio loc. cit. 2, qq. 197 et 203, hanc claram et distinctam esse debere eo quod « si laboret aequivocatione, nimia generalitate, alteratione peti- tionis... si causa petendi in libello non exprimatur, reus con- ventus non tenetur respondere. > Hoc posito, observat, in nova libello postulari dispensationem a matrimonio rato et non con- summato « non relicta inquisitione super nullitate matrimonii^ huiusque nullitatis causam coactionem ab inexperto comite pas- sam innui, dum e contra in oratione patroni pro aris et focis me- tus comitissae a matre illatus defenditur, de quo tamen libellus, alte silebat. Quinimo animadvertit, controversiam universam, sub unico dispensationis dubio proponi, cum e contra scitissimum sit, iuxta S. C. praxim, causas in quibus nedum de consum- matione, sed etiam de valore matrimonii controvertitur, sub his rogationis formulis disputari « 1 An constet de matri- monii nullitate » et quatenus negative « 2 An consulendum sit Sanctissimo pro dispensatione super matrimonio rato et non consummato. » Et recte: namque subdit, dispensatio est remedium extraordinarium quod invocatur, quoties praesto non sint ordinaria remedia, quodque validitatem matrimonii praesupponit, cum matrimonii dispensationi non sit locus si illud non consistat.

Postquam haec omnia relate ad praesidia adhibita et ad decertandi methodum in hac causa invectam adnotaverit va- liditatis defensor, haec pro suo munere quoad causae meri- tum observat. Ex hucusque relatis, extra omnem dubitatio- nis aleam positum esse affirmat, Michaelem et Henricam genio* neque ineptos neque insuetos, a die 22 Iulii usque ad finem Decembris 1886, brevi excerpta comitissae absentia, continuo una simul conversatus esse atque pacifice cohabitasse. Cum in themate inconsummatio matrimonii per aspectum corporis mulieris demonstrari nequeat, fere impossibilis probatio cen- senda est. Ad rem De Luca De matrim, disc. 9 num. 15: « Difficultas magna apud me erat quod ageretur de vidua,, quae cum viro iam dormierat, ideoque non agnoscerem quo- modo convinci posset negativa consummationis matrimonii: