MONTISALTI 731

passim de alienigenis mortuis in hac Terra legitur: - qui uti advena pertinet ad parochiam S. Laurentii. - Quare Philumena Settembri, uti advena habenda est, et est paro- chiana S. Laurentii. Nec obstat quod ipsa sit neptis Prioris parochi et de domo sua ; Agnes enim Paris de Rotella so- ror , et de domo Prioris parochi S. Mariae de Cellis sub die 6 Martii 1690 iuncta fuit in matrimonium cum Fran- cisco Erei de parochia S. Mariae coram parocho Praeposito S. Laurentii Francisco Mariae Diofebi, post consuetas pro- clamationes factas in ecclesia S. Laurentii, ab eoque bene- dictionem receperunt. Vide Matrimoniorum Registrum lib. 2, n. 17, sub die 6 Maii 1690. Ita si quae persona de gentili- tate vel primigena parochiae S. Mariae de Cellis habitet sive servus sive conviva domi quae sit de familia parochiae Praeposituralis, non ideo subiecta erit iurisdictioni Praepo- siti, sed iurisdictioni Prioris, ab eoque recipit sacramenta; et ita e converso, uti videre est in Decessorum Registris lib. 2, fol. 133, sub die 17 Sept. 1718; et fol. 139, sub die 2 Feb. 1724; item 5 Ian. 1743 ex lib. 3; item ex eo- dem libro, 7 Maii 1747; et fol. 56 sub die 9 Dec. 1766; et 15 Ian. dicti anni; et ex lib. recensiori sub data 27 Apr. 1848 etc. - Nihilominus admodum R. Prior Settem- bri animo praesumens dictam Philumenam, utpote de domo sua ita et de sua esse iurisdictione spirituali, ipse iunxit sponsos in faciem Ecclesiae, offenso iure infrascripti parochi S. Laurentii. Hanc iuris offensionem idem Praepositus ae- gre quidem sed patienter sustinuit ne scandalum forte ori- retur ex iuris vindicatione in hac miserrima temporum vi- cissitudine, ubi prudentius iudicavit aliquantulum silere pa- tienter , quam iura concrepando conclamare. At ne silens prorsus renuntiasse vel cessisse videatur, factum cum suis circumstantiis et adminiculis hic adnotando inseruit, ut vin- dicetur tempore opportuno ». Dein in eodem Libro pag. 45, n. 299, ulterius adnotatur: « Vidimus et approbamus. Da- tum Montalti in decursu S. Visitationis die 2 Ian. 1872. f Eleonorus Episcopus ».