732 EX S. G. CONCILII

iacensi erogandi omnes reditus canonicales in distributiones quotidianas nulla reservata fructuum praebendalium portione pro legitime absentibus sit contra ius; nam Conc. Trid. (Sess. 22, cap. 3, de Reform.) praecipiens tertiam partem impendendam distributionibus quotidianis, non reprobavit statuta Capitulorum in quibus reditus omnes beneficiorum in distributionibus comprehendantur. Ratio est, quia distri- butiones, quibus aequivalent punctaturae, invectae sunt et a iure statutae ut chorali servitio addicti de negligentibus diligentes, de tardis assidui fierent, et iuxta Conc. Trid. (Sess. 21, cap. 3, de Reform.) « ne qua in parte minua- tur divinus cultus, sed ei debitum omnibus in rebus obse- quium praestetur ».

Rationes favorabiles

Ex adverso vero expendi potest quod licet Episcopus canonicus, quando pastorali muneri incumbit, ex iure censeri non possit privilegiatis in ordine ad consequendas distri- butiones quotidianas, sicuti sunt canonicus theologus, poe- nitentiarius et parochus qui curam gerit propriae ecclesiae, quando suum officium explent, tamen videtur quod graves adsint rationes ut Episcopo id ex Apostolica benignitate concedatur. Et quod huiusmodi indulta exemptionis a pun- ctaturis ab H. S. Congregatione concedantur praeter quo- tidianam praxim docetur etiam a causa Dubia - Indultorum, 6 Maii 1820. Haec vero indulta aliquando concedi solent cum clausula amissis distributionibus quotidianis, et tunc si omnes reditus distributionibus quotidianis constent, in- dultarius tantum tertiam partem amittit ; si vero addatur rescripto clausula amissis tantum distributionibus inter prae- sentes tunc indultarius omnes distributiones quotidianas lu- cratur.

Haec secundae speciei indulta haud infrequentia sunt apud H. S. Congregationem ; ita gratia concessa est Episcopo Caiacensi die 4 Martii 1899 pro suis canonicis convisitato- ribus in perlustratone dioecesis, in quorum indulto appo-