WLADISLAVIEN. 733

more evincere studuit, factum inconsummationis et titulos ad gratiam.

Quoad primum autem, id luculenter comprobari, ait, ex relata superius utriusque coniugis confessione. Siquidem, ut docet C. Cosci De separat, th. I. 3. c. 2 n. 134 confessio coniugum hac in re maximi fieri semper debet, « praesertim si longe, sit, a quacumque fraude et collusione. » In themate autem collusio inter sponsos ne cogitari quidem potest; nam uxor contra virum dimicat, et hic qui maritale consortium instaurare, et probrosam impotentiae notam a se avertere studebat, ab admittenda inconsummatione undique dimovebatur.

Cui accedit quod omnes inducti testes actricem honesta- tis et religionis laude maxime persequantur. Sic sane sacerdos Barytkeiwicz : de religione et probitate actricis vel optime mihi constat; et iurare possum quod domina Stronczynska nec mendacium, nec periurium committere vellet. » Sic et ceteri. Unde novum exurgit in favorem actricis credibilita- tis argumentum.

Imo iidem testes ferme omnes deponunt se tempore non suspecto audivisse hoc matrimonium esse nullum, actricem virginem, et causam non consummationis, iuxta moralem ipsarum opinionem, ab impotentia mariti esse repetendam. Unde dici potest actricis assumptum ex fama denuo com- probari .

Sed quod maxime est, in eumdem sensum militat cor- poralis mulieris inspectio. Obstetrix enim Pudtowska ait: « in- veni eam virginem esse, et quidem ea ex causa quod hymen habet: ipsam numquam impregnatam fuisse, nec habuisse in- fantes probant venter et mammae ; haec signa sunt omnino certa. Non dantur media quibus simuletur virginitas: et etiamsi haec essent adhibita, id a me detectum fuis- set post balneum, in quo media artificiosa dissolvuntur. » Pariterque altera ex obstetricibus, Muszynska testatur : « Certissima sum , dominam Stronczynski esse virginem : id assero ob motiva super exposita. » Item et tertia, Buli-