734 EX S. G. CONCILII

tera primum signum campanae daret , quod nedum esset contra Leonis X Constitutionem n. 22, § 14, in qua prae- cipitur primam campanarum pulsationem in Sabato Sancto spectare ad ecclesiam digniorem, sed certissimum in casu praeberet periculum, ut iterum repeteretur quod accidit sub antecessore hodierni Praepositi, quando Prior Sanctae Ma- riae campanas solvere ausus est antequam signum dedisset ecclesia Sancti Laurentii. Ipse Reclusius I. c, n. 53 do- cet : « Nec etiam dicenda erunt vana et inutilia huiusmodi etsi impropriae maioritatis et matricitatis iura: sunt enim gravissimi ponderis et momenti ratione ordinis hierarchici, in quo alii praesunt, alii vero subsunt ». Qua de re, con- cludit orator iisdem verbis quibus hic Auctor utitur I. c, n. 106: « inter quas parochias et ordo et ratio ex- postulat, ut maioritas aliqua sit agnoscenda, quemadmodum ex demonstratis quisque etiam invitus fateri debet ».

Quoad secundum quaesitum nempe, quo sensu intelli- genda sit iurisdictio, quam uterque parochus exercet in eo- dem territorio Montisdenovem , quia decretum Episcopale vindicat Priori S. Mariae in familias ubi obnoxias omnia iura indiscriminatim etiam in paroeciae territorio proces- sionaliter exercenda quae competunt cuicumque parocho in suos parochianos, ratione territorii, advertit procurator re- gulam ita enunciatam non esse iuri conformem quia d) Pa- rochus territorialis est dominus territorii; ideoque potest suam plenissime exercere iurisdictionem in toto territorio. b) Parochus gentilitius non est dominus territorii ; sed sim- pliciter gaudet iure servitutis in territorio alieno. Est haec doctrina communis Canonistarum, quam summat Emus De Luca in Disc. 20 De hirisd. n. 24 : « Ac etiam iuxta eam servitutem, quam parochus intra eius territorium seu fines propriae paroeciae pati cogitur erga alterum parochum ha- bentem curam per capita hominum seu per familias, ut in plerisque locis praxis docet, iuxta optimam doctrinam Ge- miniani in cap. Licet canon. num. 63 vers. Paulus distin- guit, De elect. in sexto, ubi quod si quis habet parochiam