MONTISALTI 73 5

per capita hominum seu respectu certarum personarum et familiarum, tale ius parochiale non cohaeret territorio, sed tamen illud est exercibile in quocumque loco illae personae morentur et sic iure servitutis, quam ita reliqui parochi in proprio territorio propriisque finibus pati coguntur ». c) Hoc autem ius servitutis parocho genti litio in alieno territorio competens, docente eodem Emo De Luca I. c, n. 19, unice causam suam repetit : « ex vero et recepto principio quod concessa iurisdictione, per necessarium antecedens concessa censentur omnia ea , sine quibus illa effectum sortiri non potest ». Exinde descendit, parochum gentilitium uti posse alieno territorio unice et in quantum hoc necessarium est pro exercitio suae iurisdictionis parochialis. Ideoque non solum eodem territorio eo uti debet modo, ut per quantum fieri potest, minorem servitutem in suo territorio parochus territorialis patiatur, ex. gr. per breviores vias transeundo; sed etiam hunc usum limitare tenetur ad illos tantummodo actus qui stricte parochiales sint et sine territorio exerceri non possint, ut sunt benedictio paschalis, ministratio Via- tici, mortuorum associatio, et alia similia, exclusis proinde processionibus aliisque ritibus mere voluntariis (Card. De Luca, I. c, n. 25).

Notat tamen idem de Luca c, n. 13, ius exercendi actus voluntarios devotionis causa, competere posse parocho gentilitio ex consuetudine legitime praescripta.

Hisce in iure praemissis, patronus concludit, iurisdictio- nem nempe utriusque parochi Montisdenovem ita intelli- gendam esse, ut ipsa exerceatur quidem in eodem territo- rio, cum hoc tamen discrimine : quod parochus S. Laurentii qui territoriali gaudet iurisdictione, possit suam plenissime ac liberrime exercere iurisdictionem in toto suae paroeciae territorio ; parochus vero S. Mariae , qui personali pollet iurisdictione, non possit eodem territorio uti nisi iure ser- vitutis pro iis tantummodo officiis stricte parochialibus, quae sine territorio exerceri non possunt. Sequitur proinde, Priorem S. Mariae ius quidem habere in territorio Mon-