EX S. C. RITUUM 735

profecto robur accedit ex martyrum invicta constantia usque ad cruentam vitae iacturam pro Christi causa tuenda. Arman- tur enim filiorum animi dum patrum recensentur triumphi (Eucher. Lugdun., Horn, de SS. Petro et Paulo). Utque habet Cyprianus : Virtus est tanta martyrii, ut per eam credere etiam ille cogatur, qui voluit occidere (Lib. V, ep.i). Haec exempla fortitudinis eademque incitamenta virtutis pluries profecta sunt a strenuis Dominicianae Familiae alumnis, qui sacris expedi- tionibus cum fructu exaequante labores tamdiu operam navant. Eorum hodie Institutum novae martyrum acies illustrat ad Bea- torum Caelitum honores propositorum. Hi sunt Ven. Dei Servi Franciscus Gil De Federich, Matthaeus Alonso Leziniana, Hya- cinthus Castañeda et Vincentius Liem a Pace.

Horum priores duo, Franciscus Gil De Federich et Matthaeus Alfonso Leziniana, Hispani ambo et in ipsa patria Fratrum Prae- dicatorum Ordinem adhuc adolescentes professi, at vehementi desiderio accensi longinquas easque barbaras terras peragen- di, ut erroris caligine obcaecatis Evangelii lucem afferrent, vo- tique tandem compotes effecti ad religiosam Provinciam SSmi Rosarii in Insulas Philippinas transiere. Tunquinense dein iter aggressi in tot pericula se coniecerunfc, tot adversa tulere, ut sententiam conflrmarent, vix martyres effici nisi eos, qui a Deo multis prius aerumnis sunt exerciti et quasi praeparati ad martyrium (Corn. A Lap., in ep. ad Hebr. XII, 2). Christiana religione iampridem in Tunquino proscripta, prior ethnicam crudelitatem expertus est Franciscus, diutius tolerato squalore carceris, vinculorum pondere, militum contumeliis diuturnisque vexationibus. Eum brevi Matthaeus est consequutus, cuius in appetenda poena capitis singularis extitit aemulatio. Damnatus enim perpetuo carcere firmissime obtestatus est velle se ad- iungi Francisco cum eoque obtruncari. Cuius voti ubi compos factus est, ambo Crucem manu gestantes ad supplici i locum fracti sunt. Ibi, Christi fidem iterato professi ceterosque adhor- tan' ut eidem sincere adhaererent, unico ensis ictu decollati ce- ciderunt XI Cal. Februar, an. MDCCXLV.

Sex lustris ab hoc triumpho nondum exactis, aliud nobile par Dominicianae Familiae Fratrum, Hyacinthus Castañeda, Hi- spanus, et Vincentius Liem a Pace, Tunquinensis, novis coronis Ordinem suum Ecclesiamque decorarunt. Horum alter, Hyacin- thus, quum annos quinque Apostolicum munus in Tunquino