333

APPENDIX XLIII.

De suspensione lata in Ordinarios aliquem ordinantes absque titulo-

Ne turpi paupertate pressi Ec- clesiae viri mendicare, vel vetitis lucris sese implicare cogerentur, Concilium Tridentinum statuit, cle- ricos omnes qui ad sacrum Subdia- conatus ordinem provehendi essent, sufficientibus redditibus instrueren- tur, quibus vitam honeste ducere possent. Neminem hinc ad maiores ordines promovendum absque titu- lo statuit, qui est Ius percipiendi fructus annuos iuxta taxam ab Episcopo determinatam pro hone- sta Clerici sustentatione. Quamvis enim Christus Dominus paupertatem discipulis suis commendasset, nul- libi tamen eis praecepisse legimus ut sibi quae necessaria essent ad vitae sustentationem mendicando compararent. Hinc Sess. XXI, Cap.2 de Reformatione haec in re Patres Tridentini statuere:

« Cum non deceat eos, qui di- » vino ministerio adscripti sunt, » cum ordinis dedecore mendicare. » aut sordidum aliquem quaestum » exercere, compertumque sit, com- » plures plerisque in locis ad sa- » eros ordines nullo fere delectu » admitti, qui variis artibus ac fal- » lacus contingunt se beneficium » ecclesiasticum, aut etiam idoneas » facultates obtinere; statuit Sancta » Synodus, ne quis deinceps cle- » ricus saecularis, quamvis alias sit » idoneus moribus scientia et aetate, » ad sacros ordines promoveatur, » nisi prius legitime constet, eum » beneficium ecclesiasticum , quod » sibi ad victum honeste sufficiat, » pacifice possidere. (1)

» Id vero beneficium resignare » non possit, nisi facta mentione, » quod ad illius beneficii titulum

(1) Huius decreti ratio perbelle ab Innocentio I I I significata fuit Episcopo

Zamorensi his verbis : « Cum secundum Apostolum qui Altari servit , de altari

» vivere debeat et qui ad onus eligitur repelli non debeat a mercede : patet a

» simili ut clerici vivere debeant de patrimonio Iesu Christi , cuius obsequio de-

» putantur, ut ipsa nominis ratio persuadet. Cum enim a Clero, quod est sors ,

» vel haereditas, Clerici appellentur, quia in sui ordinatione vel assumuntur in

» haereditatem domini, vel assequantur haereditatem in ipso, ut vere possint psallere

» cum propheta dicente: Dominus pars haereditatis meae; dignum est ut Eccle-

» siae stipendiis sustententur, in qua et per quam divinis obsequiis adscribuntur.

» Licet autem praedecessores nostri ordinationes eorum qui sine certo titulo pro-

» moventur, in iniuriam ordinantium irritas esse voluerint et inanes : Nos tamen

» benignius agere cupientes, tamdiu per ordinatores vel eorum successores provideri

» volumus ordinatis, donec per eos ecclesiastica beneficia consequantur ; ne forte

i> clamores clericorum pauperum, quos in aures Domini Sabaoth credimus introire

» indurata facie negligere videamur. » Migne, Patrolog. Lat . Tom. 214, col. 68.

23