738 EX S. C. CONCILII

sociatio cadaveris personae subiectae iurisdictioni Prioris S. M. at demortuae extra fines Montisdenovem si ad Coe- meterium huius loci deferatur, edicit controversa sententia eiusmodi associationem semper spectare ad Priorem S. Ma- riae. - Quam resolutionem oppugnans procurator, advertit, quaestionem propositam eum praecise casum respicere, quo quis discedens e paroecia S. Mariae alibi suum domicilium constituat, ibique decedens aut eligat sepulturam in Coe- meterio Montisdenovem quin tamen eligat paroeciam S. Ma- riae aut quacumque alia de causa ius habeat ut eiusdem cadaver deferendum sit ad coemeterium Montisdenovem. Iamvero in Decreto edicitur, tum celebrationem funeris, tum cadaveris associationem in casu ad Priorem S. Mariae pertinere, idque ex eo, quod eiusdem Prioris iurisdictio in casu reviviscere censeatur. Ast reponit procurator, iurisdi- ctionem prioris parochi, tunc unice reviviscere, seu magis proprie ex voluntate fidelium oriri, cum defunctus suam priorem paroeciani pro funeribus elegerit ; non vero in aliis casibus. - Ceterum extra omnem controversiam est, quod defunctus, de quo quaestio nostra agitatur, cum iam disces- serit e paroecia S. Mariae, alibique suum constituerit do- micilium, non esse amplius parochianum S. Mariae. Nequit igitur Prior eum sibi vindicare iure parochi. Sed iure pa- rochi excluso, ad solvendam quaestionem de iure funeris non manet nisi elementum territorii, in quod illius defuncti cadaver inferendum est. Atqui territorii Montisdenovem do- minus non est Prior, sed tantum Praepositus S. Laurentii. Ergo non ad Priorem, sed ad Praepositum prout cadaveris associatio, ita et celebratio funeris spectare videtur advocato.

Nec refert iuxta patronum, ecclesiam S. Thomae, in qua frequentius funera ordinantur, antiquitus ad monachos Be- nedictinos spectasse et hinc veteris Conventus S. Mariae de Cellis partem esse : nam recolit quod per saecularizatio- nem illa paroecia naturam immutavit ac ratione familiarum effecta est, omnia amittens iura et privilegia quae monachi habebant in propriis dominiis. Si autem ecclesia S. Thomae