7 3 8 Appendix III

abrogata non demonstretur, esse servandam. Quamvis enim

concedamus sacros canones legibus romanis multum iuvari, negamus hoc esse verum, quando de nuptiarum ritu agitur. Quum enim matrimonium, per elevationem a Christo peractam, supernaturalem indolem induerit ac effectum sit sacramentum, una legislatione canonica (aliis prorsus exclusis) regitur, ni forsan lex canonica aliquam legem civilem hac ex parte ac- ceptaverit et canonizaverit. Unde quoad coniugia debet va- lere principium: in tantum moderationem habere a lege aliqua civili, in quantum probetur hanc esse canonizatam. Quod in praesenti quaestione profecto non est verum.

7 1 . Incommoda vero illa, quae ius romanum cavere vo- luit, et quae Berardi indigitat, ad summum illud efficient, ut foeminis rarius ac maribus haec coniugia, seu per procura- tores, sint permittenda. Quod coeteroquin suadet vel ipsa naturalis ratio.

72. Verum si maribus aeque ac foeminis licet procuratoris constitutio quoad coniugia contrahenda, quaeritur num omni- bus indiscriminatim viris ac mulieribus haec facultas permit- tatur. Cui quaestioni respondemus affirmative, ni forsan ob adiuncta prohibeantur. Quum enim matrimonium omnibus liceat nisi prohibeantur, et per se generatim omnibus liceat praestare per alios quod possunt praestare per se, iam evi- dens apparet datae responsionis ratio.

73. Sequitur exinde esse inutilem constitutionem procu- ratoris factam a pueris ante septennium, a furiosis, a per- sonis ad contrahendum matrimonium absolute inhabilibus, ut ex. g. monachi solemniter professi etc. Quum enim hi per se coniugia inire haud valeant, profecto haud poterunt per alios.

74. Verum quid dicendum de obstrictis impedimento tem- poraneo, uti ex. g. aetas, votum non perpetuum castitatis etc.? Et respondendum valere constitutionem procuratoris, dum- modo mandati executio in tempus idoneum protrahatur, v. g. post adeptam pubertatem etc. Nam eodem prorsus iure ac