EX S. G. RITUUM 739

A B Y S S I N E N .

Decretum Beatificationis seu declarationis Martyrii Ven. Servorum Dei Agathangeli Vendomensis et Cassiani Nannetensis, ex Ordine Franciscanum Capulatorum, a schismaticis in odium Catholicae Religionis interfectorum.

SUPER DUBIO

« An, stante approbatione Martyrii eiusque Causae, ita constet de signis seu miraculis martyrium ipsum illustrantibus, ut Tuto procedi possit ad ulteriora ».

Quid possint divina gratia roboratae humanae vires, quum Sanctorum omnium exempla declarant, tum potissimum eorum, qui suorum temporum spretis insidiis, posthabitis familiae com- modis locique natalis deliciis, aetatis robore ac flore pollentes, maluerunt per immanes cruciatus vitam fundere, quani a Christi Fide et ab Ecclesiae unitate tuenda recedere. Horum sane multi, quorum purpuréis palmis gloriatur Ecclesia, ex inclyto Franci- scanum Capulatorum Ordine prodierunt, in iisque sunt Vene- rabiles Dei Servi Agathangelus atque Cassianus.

Uterque initio saeculi XVII ad martyrum gloriam anhelan- tes, eam sibi incorruptae adolescentiae laude vitaeque reliquae sanctitate compararunt. Ad sacras expeditiones destinati, Syriam, Aegyptum, aliasque Orientis regiones uberrimo cum fructu per- agerunt, proposito sibi maxime Coptorum dissidentium reditu ad catholicae Fidei unitatem. Post varia eaque asperrima itinera, post ingentes exantlatos pro Christi causa labores, tandem Ae- thiopiam ingressi conflatae in se invidiae poenam suaeque prae- mium virtutis i n venerunt, atrocissimam necem. Ac primum comprehensi et catenis onusti in carcerem coniecti sunt, ubi per solidum mensem acerbissima quaeque pertulerunt. Inde funibus constricti hisque ad quadrupedum caudas alligati, queis inside- bant satellites, longo viae spatio sunt ad locum supplicii raptati. Ante vero quam ibi plecterentur, in ius vocati et coram Aethio- piae rege constituti, catholicam fidem suam publice strenueque professi sunt. Quam liberam confessionem illico poena suffoca- tionis excepit, addito opprobrio nuditatis in conspectu confer- tissimae turbae, clamoribus ac sibilis prosequeris ferum spe- ctaculum. Truncis appensi, tortoribus quaeritantibus funes, in- victo' Christi athletae suas, quibus erant cingi soliti, indicarunt.