740

DE CONSISTORIO HABITO die 22 Iunii 1896.

SSmus Pater Leo XIII in Palatio Vaticano habuit Consistorium secretum, in quo

pronuntiavit sequentem

A L L O C U T I O N E M

Venerabiles Fratres

Movente officio, ut ecclesiarum viduitati prospiciamus, am- plissimumque suppleamus Collegium vestrum, nonnihil praelo- qui libet de quodam suscepto Nobis consilio, quo rationibus rei christianae non parum videtur posse conducere. - Ecclesiae matris nullo quidem tempore defuere studia in iis revocandis invitandisque, quos vel animorum dissensio vel mentium error a sinu suo calamitose abstraxisset : hisce tamen proximis an- nis, per eas rerum opportunitates quas probe nostis, factum est ut eadem studia Ecclesiae impensius caluerinl. Iamque licuit fructuum expeditorum quodammodo percipi libamenta, quae spem alant et alacritatem intendant propositi; maxime quod passim in disiunctis gentibus iudicia non obscura increbrescunt,. quasi inclinantium ad ipsam cum benevolentia animos, et ad hanc Petri Cathedram non sine desiderio. coniunctionis veteris respicientium. Quae Nos magnopere coram Deo reputantes, si quidquam adhuc, apostolicae caritatis ductu, hac ipsa in causa moliti sumus atque effecimus, sane percupimus multo iam am- pliora praesidia, docendo agendoque, iis afferre posse qui re- gnum Christi quaerant in veritate. Et quoniam christianae do- ctrinae gravissimum caput et velut fundamentum continetur germana Ecclesiae cognitione, idcirco induximus animum. Ec- clesiae imaginem atque formam ex constitutione divina expres- sam, proferre in medium; eo praecipue spectantes, ut insigne admirabile unitatis, inditum ei divinitus, luculentius emergat. Profecto, qui Ecclesiam prope aspiciant et contemplentur, qua- lem sancti patres ac doctores per orientem constanter et occi- dentem conservaverunt, qualem ab ultima antiquitate monu- menta omne genus illustrant, utrumque consequi, caelesti aspi- rante gratia, necesse est, ut qui dissident, incitamentum capiant et lumen ad unitatem requirendam, qui vero tanti beneficii sunt compotes, id ipsum et pluris faciant et colant studiosius. -

EX ACTIS CONSISTORIALIBUS