EX Sv G. RITUUM 741

(Versio latina)

Firma ecclesiastica Liturgiae Regula est, ab hac SS. RR. Congregationis continenter inculcata, in una eademque Ecclesia, eoque magis in uno eodemque Altari, duas pluresve depictas tabulas, aut statuas unum eumdemque Coelitem referentes, vel si agatur de SSma Virgine, Deiparam referentes sub uno eo- dem titulo invocatam, publicae venerationi exponi non posse.

Eiusmodi regulam, quae exceptionem nequaquam admittit, eadem Sacra Congregatio prae oculis habuit quum, Decreto die XXIV Februarii huiusce anni edito, quibusdam sibi a Rmo Procuratore generali ordinis Praedicatorum propositis dubiis responderet, quae ad morem referebantur in quopiam templo, ubi iam exposita SSmae Virginis a Rosario nuncupatae cole- batur effigies, alteram, cui idem titulus inerat, exponendi, quae- que in templo ibidem in Valle Pompeianorum recens extructo cultum obtinet.

Enim vero quidquid sit de illo peculiari loco ubi SSma Vir- go Maria huiusmodi cultu honestatur, et de beneficiis gratiisque singularibus, quas Deus Fidelibus quibulisbet, eo accurrentibus vel ad Virginem ibi veneratam confugientibus, concedere digna- tur, extra omne dubium est, effigiem illam in iis quae minus praecipua sunt, si leves quasdam varietates excipias, Dei Ma- trem a Rosario pariter nuncupatam referre.

Nequit igitur in Ecclesiis, publicisque quibuslibet sacris Ae- dibus illa exponi ubi alia eiusdem nominis imago venerationem a fidelibus populis cultumque obtinet. Quapropter etsi post il- lius decreti publicationem pleraque postulata ad Rom. Pontifi- cem pervenerint implorandi gratia, ut aliqua in Ecclesia, una cum vetusta effigie SSmae Virginis a Rosario, altera consiste- re sineretur, cui a Pompeiis nomen adiicitur, enuntiatae normae derogare non libuit, quod quidem responsiones ab hac S. Con- gregatione identidem datas mirifice fulcit et explicat.

Haec vero responsa, quae pertinent ad sacras Indulgentias, ea quae hactenus dicta sunt apprime confirmant; videlicet duas illas B. V. Imagines unum idemque esse. Proinde quin novae Indulgentiae, quae a S. Sede concedi poterunt, excludantur, quoad iam concessas, S. Congregatio conditiones, quas alias ad id opus praescripsit, servandas edicit.

Interim ut huiusmodi petitionibus finis imponatur, utque in omnium memoriam s. Liturgiae Regulae similibus in casibus observandae, etiam atque etiam revocentur; haec S. Congre- gatio, a Rom. Pontifice susceptis mandatis, opportunum iudi- cavit hasce Eminentiae Vestrae Literas dare, affatim confidens fore, ut iisdem ad hanc, quamvis alioqui adeo salutarem ac laude dignam erga SSmam Virginem a Rosario religionem ae- quis limitibus continendam sapienter utatur.