EX S. C. RITUUM 741

ROMANA

decretum Beatificationis et Canonizationis Ven. Servi Dei Gasparis Del Bufalo, Ca- nonici Basilicae S. Marci de Urbe, Institutoris Congreg. Missionariorum Pre- tiosissimi Sanguinis D. N. I. C.

SUPER DUBIO

•« An et de quibus miraculis constet in casu et ad effectum de quo agitur ».

Almae huius Urbis, pietatis omnis et religionis altricis, in- signe decus est virum dedisse, qui, turbulentissima illa tempe- state exeuntis XVIII saeculi « paciflcans per sanguinem Crucis Eius», ultricem Dei manum deprecaretur a populo, implens illud Apostoli: « Iustificati in sanguine ipsius salvi erimus ab ira per Ipsum ».

Eo tamquam vexillo munitus Ven. Dei Servus Gaspar Del Bufalo Apostolatum gessit, multiplicem illum quidem et varium, sed uni quasi fundamento subnixum, perpetuo studio prove- hendi cultus pretiosissimi Sanguinis. Haec ille arma et erroribus obiecit et vitiis, eo potentiora, quo iuncta erant arctius exemplis vitae integerrimae. Inde vim omnem suae caritatis exeruit, ani- mum adiiciens omni prope vitae conditioni ad sanctitatem revo- candae. Nam et ad pauperum levamen piae Societatis a S. Galla incrementa curavit, et pietatis palestra m ad S. Mariae in Vincis nocturnum coetum esse voluit. Idem Clero instituendo multum operae impendit, sive per piam Societatem S. Pauli Apostoli, sive constitutis domiciliis cum suis magisteriis quo sacri ordinis alumnis expeditior pateret via sacris missionibus obeundis, sive piis exercitationibus quotannis propositis; quas praeterea et athe- nei romani ephebis et militaris ordinis viris comparavit. Nec incredibilis eius ardor se in Urbe continuit; quippe sacras ex- peditiones pene innumerabiles obiit spatio annorum duorum supra viginti, quum intra pontificiam ditionem, tum etiam per Neapolitanum regnum, per Aprutium, per Apuliam.

Eius in fide et obsequio erga Apostolicam Sedem constantia maxime probata est quo tempore Pio VII P. M. a sua Sede de- turbato, saepe carcerem perpessus, Italiae varias urbes exul peragravit de aliorum aeterna salute magis quam de praesenti sua incolumitate sollicitus.