EX S. G. INDULGENTIARUM 743

L. * S. A. CARD. S E R A F I N I

ALEX. ARCHIEP. NICOPOLIT. Secretarius.

Non raro autem accidit ut eiusdem nominis et tituli Sodali- tates erigantur a Rmis locorum Ordinariis, vi facultatis illis col- latae, ex speciali indulto, erigendi sodalitates cum Indulgentiis, quibus in Urbe fruuntur respectivae Archisodalitates; absque ulla exhibita petitione aggregationis Archisodalitatis supremo Mode- ratori.

Id vero, uti experientia comprobata, in eiusdem Sodalitatis bonum minime vergit. In his siquidem Sodalitatibus, quae nullo inter se vinculo coniunguntur cum Sodalitate primaria quae ab Apostolica Sede uti centrum aliarum fuit constituta, paulatim ea deficit unitas directionis piorumque usuum conformitas, quae maxime confert ad incrementum pietatis erga animas Christifi- delium igne Purgatorii detentas, nec non maioris boni ipsorum sodalium.

Quare praedictus Orator humiliter et enixe exorat S. V. ut benigne decernat Sodalitates sub titulo B. M. V. in coelum as- sumptae ad iuvandas animas purgatorii igne excruciatas, etsi ab Ordinariis locorum canonice sint erectae, nihilominus Indul- gentias et privilegia Archisodalitati a Romanis Pontificibus con- cessa , non posse consequi in posterum, nisi a Congregationis SSmi Redemptoris Procuratore generali, prius obtentis Ordinarii loci consensu eiusque litteris testimonialibus, praedictae Archi- sodalitati fuerint aggregatae.

Et Deus etc. SSmus D. N. Leo Pp. XIII in Audientia habita die 18 Iunii 1892

ab infrascripto Secretario S. C. Indulgentiis sacrisque Reliquiis praepositae, benigne annuit pro gratia iuxta preces, ceteris ser- vatis de iure servandis. Praesenti in perpetuum valituro absque ulla Brevis expeditione. Contrariis non obstantibus quibuscum- que. Datum Romae ex Secretaria eiusdem S. C die 18 Iunii 1892.