praestatione talium ordinum ipso iure suspendit. Ita ut rationabiliter dubitari possit, an S. Pius V Epi- scopos transgressores suspenderit a conferendis minoribus ordinibus, cum loquatur de iis ordinibus ad quos titulus conveniens requiritur, scilicet de maioribus, et suspensio- nem in contrafacientes inferat per annum a praestatione talium ordi- num; ergo non a minoribus, multo minus a clericali tonsura.

Maiori veritatis specie senten- tiam suam probasset cl. De Varceno auctoritate Xisti Papae V qui in Const. Sanctum et salutare lata die 5 Ianuarii 1589 non legitime ad sacros ordines aliquem promo- ventes Episcopos suspendit a col- latione quorumcumque ordinum, atque adeo ipsius tonsurae, et ab executione omnium munerum pon- tificalium, et ab ingressu Ecclesiae interdictus existat, aliisque gra- vioribus poenis nostro et pro tem- pore existentis Romani Pontificis arbitrio puniatur.

3fia

Verum nullum pro sua senten" tia exinde cl. auctor suffragium re- tulisset, nedum quia eiusmodi cen- sura a Pio Papa IX in sua Consti- tutione renovata non fuit, sed etiam quia Clemens VIII in Const. Ro- manum Pontificem lata die 28 Fe- bruarii 1596 praedictas Xisti V dis- positiones poenales moderatus est, atque ad tramites Constitutionis Pii II, et iuris communis redu- xit. (1)

III. Ut autem eiusmodi suspen- sio incurratur, Episcopi clericos ad maiores ordines promovere debent nedum absque titulo beneficii vel patrimonii, sed etiam cum pacto ut ordinatus non petat ab ipsis ali- menta; qua de causa si alterutrum desit suspensio non incurritur. Hinc suspensionem incurrunt Episcopi scienter ordinantes clericum cum titulo falso, qui nullos praebeat redditus ad honestam eiusdem sus- tentationem; eiusmodi enim titu- lus reapse est nullus , et ordinan- dus absque titulo promoveretur.

(1) u Considerantesque, tato, promoventes, quam eos qui ad dictos ordines pro-

» moventur, saepe censuris et poenis huiusmodi, ob illarum multiplicationem, in

» eorum perniciem animarum, variis modis illaqueari, nonnullos ex praelatis et

» Episcopis in conferendis huiusmodi ordinibus nimis scrupolose procedere, multosque

» metu poenarum et censurarum praefatarum, ab ordinum collatione prorsus deter-

» reri, adeo ut clericorum et Sacerdotum numerus propterea aliquibus in locis valde

» imminutus sit, omnium in praemissis securitati ac animarum saluti paterna

» charitate perspicere volentes... supradictas literas ad terminos Sacrorum cano-

» num, ac Constitutionis recolendae memoriae Pii Papae I I . . . Cum ex Sacrorum

» ordinum... et ad dispositionem decretorum sacri Tridentini Concilii restringimus

* et reducimus, nec non censuras et poenas in eisdem Xist i uteris contra quos-

» cumque, praeterquam contra simoniae ordinantes et ordinatos inflictas, quas vo-

» lumus in suo robore permanere (aliis omnibus poenis a sacris Canonibus et Conciliis

» contra praedictos omnes similiter inflictis salvis et firmis remanentibus) mode-

» ramur et abolemus. »