EX S. C. RITUUM 747

I. An festum duplex maius affixum certae mensis diei oc- currens cum festo Dedicationis Ecclesiae Cathedralis, vel cum alio festo duplici primae classis diei Dominicae afflxo, nec ha- bens deinde usque ad 30 Decembris diem liberam, in quam reponatur, sit penitus eo anno omittendum; an vero de eo, uti de simplici per accidens, facienda sit commemoratio in utrisque Vesperis, Laudibus et Missa festi duplicis primae classis?

II. An infra Octavam S. Anastasiae Martyris Titularis Ec- clesiae, assignatae, iuxta S. R. C. decretum 13 Decembris 1895 (1), diei 30 Decembris, fieri debeat commemoratio, ex eodem De- creto, diebus tantum 2, 3, 4 et 5 Ianuarii, an vero etiam in Lau- dibus et Missa diei 31 Decembris?

Et Sacra Rituum Congregatio, ad relationem subscripti Se- cretarii, exquisito voto Commissionis Liturgicae reque accurate perpensa, rescribere rata est:

Ad I. Affirmative ad primam partem, Negative ad secun- dam.

Ad II. Nihil fiat de Octava iuxta Rubricas et Decretum 3876 Quebecen., d. d. 13 Decembris 1895 ad I. (2).

Atque ita rescripsit die 8 Iulii 1904.

A. CARD . TRIPEPI, Pro-Praefectus.

L. © S. f D. PANICI , Archiep. Laodicen., Secretarius.

(1) Cfr. Acta S. Sedis, vol. 28, p. 440, Quebecen, ad II: « Utrum dies 50 De-

cembris assignari possit S. Anastasiae Mart. in ecclesia propria?» responsum fuit:

« Affirmative, non omissa commemoratione S. Anastasiae in secunda Missa Nativi-

tatis, ratione Stationis » {N. R.).

(2) Cfr. Acta S. Sedis, vol. 28, p. 440, Quebecen, ad I: « An titulare Festum

alicuius Ecclesiae a 31 Decembris ad quintam Ianuarii occurrens habeat octavam? »

responsum prodiit «Negative». Responsio autem affirmativa, nempe «Affirmative

iuxta Rubricas » huic dubio tunc temporis inserta in Acta S. Sedis, corrigi debet

per responsum negativum. Quod imprimis conforme est Rubricis Generalibus Bre-

viarii, quae tit. VII de Oclavis statuunt de quacumque Octava, licet nondum abso-

luta, nihil amplius fieri nec eiusdem commemorationem, quando supervenit dies

17 Decembris, usque ad festum Epiphaniae inclusive, uti docet Van Der Stappen,

tom. I, q. 143. Insuper huiusmodi lectio ita invenitur in ipsa Collectione authentica

Decretorum S. C. Rituum, atque hodierna decisione confirmatur (N. R.).