748 S. R. U. INQUISITIONIS

sine contumelia Creatoris cum ea vitam traducturus sit, et de omnibus resultantibus R. P. D.Vicarius Apostolicus Sacram Con- gregationen certiorem faciat. Quod si vero summarie saltem, et extraiudicialiter constet coniugem in infidelitate relictum adeo esse absentem ut moneri legitime non possit, aut monitum in- tra tempus in monitione praefixum, suam voluntatem non signi- fica visse vel, si adiri quidem possit coniux infidelis, sed de com- parte iam facta Christiana interpellari nequeat sine evidenti gra- vis damni ei vel christianis inferendi periculo, quin huiusmodi damna cum necessaria circumspectione et cautela removeri pos- sint, haec omnia Apostolicae Sedi renuntiabit Vicarius Apostolicus, expressis nominibus et expositis gravissimis causis pro obti- nenda dispensatione super impedimento dirimenti disparitatis cultus, si praetensus secundus vir adhuc in infidelitate persistat, et narratis omnibus rerum, personarum, et facti adiunctis, ut in re tam gravis momenti procedi tuto possit.

AD VIII. Matrimonium etiam in infidelitate contractum natura sua est indissolubile, et tunc solum quoad vinculum dissolvi potest virtute privilegii in favorem fidei, a Christo Domino con- cessi, et per Apostolum Paulum promulgati, quando coniugum alter Christianam fidem amplectitur, et alter nedum a fide am- plectenda omnino renuit, sed nec vult pacifice cum coniuge converso cohabitare, absque iniuria Creatoris, ideoque non esse locum dissolutioni quoad vinculum Matrimonii legitime contra- cti in infidelitate, quando ambo Coniuges baptismum suscepe- runt vel suscipere intendunt.

E P I S T O L A ad Archiepiscopum Cameracensem in qua edicitur, illicitam esse quamcumque operationem chirurgicum, quae directe occidat foetum vel matrem gestantem.

Anno 1886, Amplitudinis tuae Praedecessor dubia nonnulla huic supremae Congregationi proposuit circa liceitatem quarum- dam operationum chirurgicarum craniotomiae adfinium. Quibus sedulo perpensis, Eminentissimi ac Reverendissimi Patres Car- dinales una mecum Inquisitores Generales, feria IV. die 14 cur- rentis mensis respondendum mandaverunt:

« In scholis catholicis tuto doceri non posse licitam esse ope- rationem chirurgicam quam craniotomiam appellant, sicut de- claratum fuit die 28 Maii 1884, (1) et quamcumque chirurgicam operationem directe occisivam foetus vel matris gestantis. »

Idque notum facio Amplitudini Tua3, ut signifiées professori- bus facultatis medicae Universitatis catholicae Insulensis.

Interim fausta quaeque ac felicia tibi a Domino precor. Romae, die 19 Augusti 1889. Amplitudinis Tuae Addictissimus in Domino

R. CARD. MONACO (1) Declaratio haec relata fuit hoc Vol. XVI, 558.