S. R. U. INQUISITIONIS 749

L I T T E R A E ad omnes locorum Ordinar ios; per quas eisdem facultas indul- getur solvendi a lege ieiunii et abstinentiae f ideles, quibus praesunt donec grassetur morbus, qui Europam aliasque regiones Orbis pervasit .

Apostolicae potestatis et benignitatis curas ad se vocavit con- ditio et genus morbi, qui hoc tempore non Europam modo, sed alias Orbis regiones late pervasit. Hoc enim grassante malo per- motus Sanctissimus Dominus Leo XIII, pro summo studio quod gerit, ut non solum in iis quae animi sunt, sed in iis etiam quae sunt corporis bono Fidelium consulat, Suae sollicitudinis esse putavit, ea praesidia quae in sua potestate sunt conferre Fide- libus, quae corporis vitaeque incolumitati adversus morbi vim dominantis prodesse posse visa sunt.

Quamobrem ministerio Sacri Consilii Supremae Romanae Uni- versalis Inquisitionis utens, omnibus Archiepiscopis, Episcopis et locorum Ordinariis catholici Orbis, cunctis in regionibus quibus morbus, de quo supra dictum est, incubuit, Apostolica auctori- tate facultatem impertit, ut Fideles, queis praesunt a lege solvant qua abstinentiam et ieiunium servare tenentur, donec iisdem in locis ipsorum iudicio, hanc Appstolicam indulgentiam publicae valetudinis ratio et conditio requirat. Optat autem Sanctitas Sua, ut dum Fideles Apostolica hac benignitate utuntur, studeant im- pensius piis vacare operibus, quae ad divinam clementiam de- merendam valent.

Quapropter eos hortatur, ut sublevandis caritate egenis, cele- brandis ad preces et sacra officia templis, frequentique Sacra- mentorum usui ad Deum exorandum placandumque studiose dent operam, cum aperte pateat crebra, quibus affiigimur mala, ad divinam iustitiam esse referenda, quae ob corruptos mores et late exundantem flagitiorum colluviem iustas poenas ab ho- minibus expetit.

Romae, die 30 Ianuarii anno 1890.

R. CARD. MONACO.

DUBIUM quoad prohibitionem de non miscendis cibis vetit is.

Utrum per Indultum Apostolicum ministerio S. R. U. Inqui- sitionis die 30 Ianuarii anni currentis latum, quo Ordinariis fa- cultas committitur solvendi fideles a lege abstinentiae et ieiunii, sublata sit etiam prohibitio de non miscendis cibis?

Feria IV, die 26 Februarii 1890.

Emi et Rmi PP. Inq. responderunt: Negative, sed tempore Quadragesimae et ieiuniorum infra annum, prohibitam esse pro- miseuitâtem ciborum vetitorum simul et permissorum in eadem comestione.