750 EX S. G. INDULGENTIARUM

SSmus Dnus Noster Pius PP. X in audientia habita die 8 iunii 1904 ab infrascripto Cardinali Praefecto S. C. Indulgentiis Sacrisque Reliquiis praepositae benigne annuit pro gratia iuxta preces, firmo manente in ceteris tenore Rescripti in supplici li- bello memorati. Praesenti in perpetuum valituro, absque ulla Brevis expeditione. Contrariis non obstantibus quibuscumque.

Datum Romae ex Secretaria eiusdem S. C, die 8 iunii 1904.

A. CARD . TRIPEPI, Praefectus. L. * S.

Pro Secretario los. M. Can. COSELLI, Substitutus.

URBIS ET ORBIS

Decretum quo indulgentia elargitur ter recitantibus cum Sacerdote, post indictas Missae privatae preces, invocationem Cor Iesu Sacratissimum, miserere nobis-

Quo ferventius Christifideles, hac praesertim temporum acer- bitate, ad Sacratissimum Cor Iesu confugiant Eique laudis et placationis obsequia indesinenter depromere, divinamque mise- rationem implorare contendant, SSmo Dno N. Pio PP. X sup- plicia vota haud semel sunt delata, ut precibus, quae iussu s. m. Leonis XIII post privatam missae celebrationem persolvi solent ter addi possit sequens invocatio Cor Iesu Sacratissimum, mi- serere nobis, aliqua tributa Indulgentia Sacerdoti ceterisque una cum eo illam devote recitantibus.

Porro Sanctitas Sua, cui, ob excultam vel a primis annis pietatem singularem, nihil potius est atque optatius, quam ut gentium religio magis magisque iri dies augeatur erga sanctis- simum Cor Iesu, in quo omnium gratiarum thesauri sunt recon- diti, postulationibus perlibenter annuere duxit; ac proinde uni- versis e .christiano populo, qui una cum ipso Sacerdote, post privatam Missae celebrationem, precibus iam indictis praefatam invocationem addiderint Indulgentiam septem annorum totidem- que quadragenarum, defunctis quoque applicabilem, benigne elargiri dignata est. Contrariis non obstantibus quibuscumque (1).

( i ) Recitatio huius invocationis, uti patet, non praecipitur, sed est quam ma-

xime in votis Sanctitatis Suae. Recitare insuper debet immediate post preces a Leone XIII praescriptas, non vero post invocationes, quae alicubi dici solent, v. g.

Dio sia benedetto etc