EX S. C. INDULGENTIARUM 751

ORDINIS PRAEDICATORUM. De erectione et aggregatone Confraternitatum.

Procurator Generalis Ordinis Praedicatorum sequentia dubia huic S. Congregationi Indulgentiis Sacrisque Reliquiis praepo- sitae, humiliter dirimenda proposuit:

I. An conditio Clementinae Constitutionis « Quaecumque » de consensu Ordinarii loci et de litteris testimonialibus, servanda in erectionibus et aggregationibus Confraternitatum, accipienda sit ita, ut duo requirantur actus distincti, consensus nempe et litterae testimoniales : vel potius sufficiat consensus implicite expressus in litteris testimonialibus ?

II. An Summarium Indulgentiarum quod una cum diplo- mate datur in erectione Confraternitatum, iam recognitum et ap- probatum a S. Cong. Indulgent., nova etiam indigeat recogni- tione Ordinarii loci?

III. An distincta Communitas, quam Decretum S. C. Indulg. in una Laudensi diei 31 Ianuarii 1893 pro erectione Confrater- nitatum eiusdem nominis et instituti requirit, constituatur etiam a quolibet eiusdem municipii oppido, situ et nomine ab aliis dis- iuncto, adeo ut in uno eodemque municipio plures eiusdem no- minis et instituti confraternitates erigi possint?

IV. An in magnis Civitatibus, quae unam tantum constituunt Communitatem, plures nihilominus erigi possint eiusdem nominis et instituti Confraternitates ?

V. An erectio Confraternitatum SS. Rosarii facta per litteras Mag. Gen. Ord. Praed. facultativas, executioni mandatas a Sacer- dote, sive regulari, sive saeculari ab eodem Mag. Gen. deputato, valida sit, si Ordinarius consensum quidem suum ante execu- tionem exprimat, nullas vero litteras testimoniales concedat?

VI. An ipsae litterae facultativae validae sint si subscriptione et sigillo eiusdem Mag. Gen. munitae aut certum Sacerdotem ad executionem non deputent, aut locum Confraternitatis eri- gendae non exprimant ?

Deinde sequentia postulata exhibuit: I. a) Quoad praeteritum: Ut omnes SSmi Rosarii Confra-

ternitates, quae sive in propriis Ordinis, sive in aliis Orbis Ec- clesiis erectae inveniuntur irregularitate, vel vitio nullitatis affe- ctae, ob quemcumque loci distantiae, litterarum testimonialium, diplomatum concessionis, sive alterius cuiusque generis defe- ctum, in radice sanentur, et, quatenus opus sit, immediate Apo- stolica Auctoritate de novo erigantur, Armis remanentibus pri- vilegiis a RR. PP. Ordini Praedic, elargitis.

b) Quoad futurum : Ad maius incrementum sodalium SSmi Rosarii postulat facultatem pro Mag. Gen. Ord. Praedic, eiusque Vicario, ut penes Provinciales et Episcopos etiam in Europa, non tamen in Italia, possit eo modo, quo, de consensu a S. S. habito, agere solent aliorum Ordinum Superiores, et