Index generalis 765

In desuetudinem abeunte modo aperiendi processum per accusationem, superfuit denunciatio et inquisitio : qui duo procedendi modi in praxi saepe confunduntur et in unum recidunt seu in inquisitionem, 452.

Non debet iudex iudicare et causam quodammodo praevenire ex cla- more delicti aut ex denunciationibus ; sed tum clamor tum denunciationes haberi debent tamquam iusta motiva ad processum aperiendum, ut ex pro- cessu deinde iudicium feratur, pag. 453.

Coadiutoria.

Gratia Coadiutoriae canonicalis bifaria patet: idest tribuit ius Coadiu- tori ad futuram successionem in canonicalem Praebendam: et tribuit inde- mnitatem Coadiuto in perceptione omnium emolumentorum canonicalium, quasi esset praesens omnibus functionibus, sive ceteris, quas Capitulum peragit, pag. 214.

Quare Canonicus Coadiutor tenetur compensare Coadiutum in iis omni- bus, quae Coadiutus a Capitulo non perceperit, quaeque sua praesentia percepisset, ibid.

Ideo si quaestio aliqua oriatur, quod non fuerit Coadiutor legitime mulctatus, eiusmodi quaestio non gravat Coadiutum; sed dirimenda est inter Coadiutorem et Capitulum coram quo de iure, pag. 215.

Non tamen Coadiutus percipere potest aliquid, quod non percepisset per suam praesentiam, si non haberet Coadiutorem; cum, fictione iuris, Coadiutus et Coadiutor unicam tantum représentent in iuribus canonica- libus personam, ibid.

Collatio.

Collatio Paroeciarum peragi nequit ab Episcopo nisi praevio concursu, aut saltem praevio canonico examine idoneitatis in scriptis, non obstante fundationis lege, pag. 712.

Collegiata Ecclesia.

Non omnes leges, quae ex Tridentino Concilio, cap. 12, sess. 24, de Ref., constitutae sunt pro Canonicis Ecclesiae Cathedralis, valent pro Canonicis Ecclesiae Collegiatae, pag. 306.

Nominatim vero Tridentini verba: in omnibus Ecclesiis cathedralibus omnes Canonicatus ac Portiones habeant adnexum ordinem Presbyterii, Diaconatus vel Subdiaconatus ad cathedrales ecclesias tantum limitan- tur, ibid.

Ideoque in Ecclesiis collegiatis vetus commune ius adhuc viget, quo satis est ut Canonicus sit Clericus, dummodo ex peculiaribus legibus aliquid non obstet, ibid.

Curandum tamen est ab Episcopo, ut congruus Presbyterorum nume- rus non desit, ut omnia choralia munera rite expleri possint, ibid.