766 índex generalis

Concursus.

Forma concursus et examinis in conferendis ecclesiis paroecialibus in Synodo Tridentina praescripta, Sess. 24, c. 18, de Reform , ita est servanda ut provisiones paroeciarum aliter factae eo ipso sint nullae, pag. 376.

Eiusmodi tamen forma variis modis potest executioni mandari intra praescriptas eiusdem Tridentinae Synodi dispositiones, ibid.

Ad auferendam dictam varietatem, qua Tridentina forma exsecutioni (non sine multiplici danno) mandabatur prius S. C. C. postea Clemens XI, denique Benedictus XIV regulas opportunas statuerunt, quibus et multi- plicia damna evitarentur, et methodi conformitas induceretur, ibid.

Eiusmodi regulae non ea intentione fuerunt praescriptae, ut consti- tuerent substantialem formam ex cuius neglectu ipso iure concursus seu examen esset irritum et nullum, ibid.

Idque constat tum ex tenore praescriptionis regularum tum ex eo quod clausulam irritantem, si secus factum fuerit, eiusmodi praescriptiones non. secum ferant, ibid.

Quare ut concursus declaretur irritus et nullus necesse est ostendere v. gr. aut ex dolo et fraude dictas regulas non esse servatas, cum dolus et fraus nemini debeant patrocinan, aut adeo regulas fuisse neglectas, ut eo ipso neglecta fuerit forma Tridentina, pag. 377.

Hinc facile quoque potest consuetudo invalescere contra eiusmodi regu- las ; neque ex eo tantum quod consuetudo fuerit contra dictas regulas dici poterit consuetudo irrationabilis, ibid.

Aliud est quemque probare ex sola scientia, sine requisitorum, ut aiunt examine, quod esset contra Tridentinam formam ; aliud est examen requisi- torum non facere, quia in scientia aliquis certum quemdam suffragiorum gradum, quem alii Concurrentes consecuti sunt non attigerit, ibid.

Hinc secundus casus non demonstratur oppositus Tridentinae formae, quae licet statuerit: peracto examine r enuncientur quotcumque ab his idonei iudicati fuerint aetate, moribus, doctrina, prudentia et aliis rebus ad vacantem ecclesiam gubernandam opportunis, non determinavit quid magis aut minus redderet concurrentem idoneum, ita debeat aut non debeat renuncian inter adprobatos, ibid.

Imo Benedictus XIV licet constituerit, requisita esse doctrinae arcto foedere consocianda atque his omnibus coniunctim expensis inhabiles per suffragia (Examinatores) reiiciant et idoneos Episcopo renuncient, attamen primum iudicium ab examinatoribus ponendum super scientia statuit per verba : Postquam diligenter expenderint sing ulorum peritiam ... et postquam demum deprehenderet qua quisque polleat gravitate sen- tentiarum etc., pag. 378.

Accedente immemorabili vel longaeva consuetudine, quae formam con- cursus ita determinavit, ut qui certum quemdam gradum scientiae, quem alii consecuti sint, non attigerit, eo ipso inter adprobandos recenseri non debeat, quaestione instituta ob hanc causam super nullitate concursus, de nullitate non constare est iudicandum, ibid.