768 Index generalis

Non omnia quae disputantur aut affirmantur de potestate Episcopis delegata in huiusmodi dispensationibus eodem modo dici possunt de dispen- sationibus expeditis per Apostolicam Datariam vel sacram Poenitentia- riam, 461.

Episcopi enim utuntur potestate vere delegata, propriumque habent tribunal, a quo datur etiam appellatio ad tribunalia Romani Pontificis; cum detur appellatio a Delegato ad Delegantem: e converso tum Datarius, tum Poenitentiarius sunt Romani Pontificis auditores in ministerio supremae potestatis in universam Ecclesiam.

Quare si distributio facultatum inter Romani Pontificis tribunalia sit diversa, id non ex alia ratione contingit, quam ut in hoc Romani Ponti- ficis ministerio domesticus ordo servetur, ibid.

Numquam praesumi potest hunc ordinem ex parte Tribunalium Romani Pontificis non servari, quamquam forte in administratione facultatum manum ampliaverint ; ideoque numquam praesumi potest facultates concessas ex parte tribunalium esse nullas, ibid.

Tota proinde quaestio oritur ex parte oratorum seu petentium, qui valeant dispensatione extorquere per obreptionem vel subreptionem, sive bona sive mala fide, ibid.

Obreptio autem vel subreptio ab oratoribus facta, non praesumitur sed clare ostendi debet, ibid.

Probata autem obreptione vel subreptione, aut sine controversia admissa, subintrant illae regulae, quas Canonistae communiter tradunt, ex iure desumptae ad iudicandum, an rescripta Romani Pontificis seu Lit- terae Apostolicae, quibus dispensatio conceditur, sint nec ne valida, ibid.

Eiusmodi quaestiones non possunt unica generali responsione definiri, cum pro adiunctorum diversitate diversae subintrent iuris regulae, quae modo affirmativam modo negativam sententiam secumierunt, ibid.

Dispensatio ab irregularitate.

In irregularitate quae ex morbo apoplético oriatur, quamvis multa concurrant quae dispensationem suadeant ; S. C. C. tamen praesertim ob periculum, quod in celebratione Missae obvenire possit, caute admodum in concedenda gratia procedit, pag. 91.

Dubitatur an ille qui oculo sinistro non videat neque deformitatem praeseferat, sive in se, sive in legendo canone sit irregularis, pag 88.

Ideoque petita gratia, quamvis de promovendo agatur, per S. Congre- gationem facile impetratur, ibid.

Hoc in casu S. Congregatio non usa fuit verbis, dispensationis et habi- litationis, quae significarent Titium irregulärem, ibid.

Presbyter qui irregularis evaserit ob amputationem manus potest spe- rare Apostolicam dispensationem si per fictam manum tecta deformitate periculum amoveatur irreverentiae et admirationis in populo, pag. 302.

Haec tamen non sufficiunt ad obtinendam dispensationis gratiam ; sed requiruntur canonicae causae, quae sunt necessitas vel evidens Ecclesiae utilitas, ibid.