774 Index generalis

Talia videntur ea adiuncta, in quibus nulla intervenerit vis et metus, nullaque coactio; immo praeiverit et concomitata fuerit libera contrahendi voluntas, atque in ipso celebrationis actu mulier tacens annuhim nuptialem a viro prompte susceperit, pag. 73.

His enim in adiunctis, nisi constet, iocandi animo haec gesta fuisse, pro validitate matrimonii standum est, pag. 74.

Matrimonium quoad Decretum Tridentinum.

Si quis degens in loco in quo Decretum Tametsi Concilii Tridentini servatur, in alium locum se transferat, ubi Tridentinum publicatum non est aut obligare desiit, cum intentione ibi matrimonium contrahendi: matrimonium in fraudem initum nullitate inficitur nisi prius domici- lium vel quasi domicilium in loco celebrationis fuerit quaesitum, pag. 592.

Ad quasi domicilium contrahendum non sufficit sola habitatio, sed manendi animus requiritur ad maiorem anni partem, ibid.

Quare etiamsi qui per unum mensem alibi versatus sit, si tamen aliunde suppetant argumenta, ex quibus constet intentionem defuisse per maiorem anni partem ibidem permanendi, quasi domicilium nullatenus fuit quaesitum, ibid.

Haeretici qui degunt in locis ubi publicatum est Tridentinum Decretum Tametsi, matrimonium contrahere debent iuxta Tridentini leges, coram proprio alterutrius sponsi Parocho, si velint valide contrahere, pag. 74.

Frustra opponitur ratio societatis ad quam haeretici pertineant: secta enim haeretica, in locis, in quibus dominetur operari tantum potest ut ex parte catholicae auctoritatis Decretum Tridentinum non publicetur, aut si publicatum in iis locis fuerit decursu temporis in desuetudinem abeat, eo modo quo singulae ecclesiasticae leges in desuetudinem tandem abire pos- sunt, ibid.

Quare non quatenus haeretici dicendi sunt ab hac Ecclesiae lege exempti: sed quatenus aut Tridentina lex eorum loca non affecerit, aut eorum inobservantia localem tandem legem canonice vicerit, ibid.

Matrimonium quoad impedimentum impotentiae.

Probata impotentia, sive absoluta sive relativa, quae matrimonium praecesserit et perpetua fuerit matrimonium est ipso iure nullum, pag. 535.

In foro externo ut eiusmodi impotentia probetur servanda est ea iudicii forma, quae praescribitur in Benedictina Constitutione Dei miseratione, pag. 536.

Cum tamen, servata etiam eiusmodi iudicii forma, difficile identidem iudicari possit an impotentia sive absoluta sive relativa sit perpetua, si constet matrimonium mansisse tantum ratum, per Apostolicam dispensa- tionem solvi solet, ibid.

Matrimonium quod fuerit declaratum nullum ipso iure ex antecedente, absoluta et perpetua impotentia mulieris, restaurandum est si postea natu- raliter cessaverit impedimentum, ibid.