776 Index generalis

Item S. Sedes interdum indulget, ut aliqui redditus in Missas impen- dendi convertantur in Legatorum fundos vindicandos, pag. 302.

Iubente fundatore, Missas a se legatas celebrari in determinato templo diebus festis de praecepto; non tenetur legatarius eas in determinato templo celebrare iis diebus festis, qui post fundatoris mortem fuerint sup- pressi, ibid.

Cum enim piae fundationes regantur legibus, quas pius fundator voluerit, non potest utiliter invocari Ecclesiae lex, qua, per suppressionem festorum, nihil innovatum censetur, quoad sacras functiones, ibid.

Missa pro populo.

Obligatio celebrandi et applicandi Missam pro populo est simul perso- nalis et realis; ita ut Parochi persona legitime impedita, obligatio non cesset, pag. 209.

Missae enim huius celebratio et applicatio est connexa cum beneficio paroeciali, quemadmodum sunt connexa cetera pastoralia munera agno- scendi oves easdemque pascendi verbi Dei praedicatione, sacramentorum administratione, bonorum operum exemplo, pag. 210.

Quare eiusmodi munera ita Parochum urgent, ut tamen in Parochi persona non cessent; sed eo quomodolibet impedito per alium expleri debent, ibid.

Hinc Parochus legitime absens, potest quidem Missam applicare pro populo suo degat; sed cum absentia impediat alia pastoralia munera diebus festis populo debita, una satisfacía obligatione, ab aliis obligationibus non est solutus, ibid.

Quare tenetur per alium ita suo populo consulere, ut et Missa paroe- cialis non desit ad necessariam populi commoditatem, neque verbi Dei explicatio, quemadmodum cetera munera populo necessaria, pag. 211.

Cum autem Missae pro populo applicatio, vi praecepti ecclesiastici,, urgeat Parochum, singulis diebus festis, sitque reale onus: si per se aut per alium applicationem omiserit, tenetur Missas quod omiserit, quampri- mum applicare, ibid.

Parochus non legitime impeditus debet per se celebrare Missam pro- populo in sua paroeciali Ecclesia, ibid.

Missa quoad iterationem.

Praecipua ratio, cur Missarum iteratio in praesenti disciplinae ordine sit prohibita quoties non adsint canonicae causae est periculum turpis lucri et quaestus, pag. 84.

Eadem ratio aetate nostra Resolutiones S. Congregationis Concilii Tri- dentini interpretis provocavit, quae expresse et districte declarant et prohi- bent eleemosynae receptionem pro secunda Missa, quoties ex canonicis causis iteranda sit, ibid.

Eiusmodi expressa prohibitio fuit iamdiu aliquo modo praeformáta a Benedicto XIV in Constitutione Quod expensis, edita pro Hispaniae et Por- tugalliae regno, ibid.