Manualen. 7 7 9

ut Bulla Innocentianâ ubique servetur. Quinimo Concilium Plenarium Americae Latinae (Cfr. Acta et Decreta, tit. 5, •cap. 7, n. JSJ) non modo de praefata consuetudine mentio- nem non facit, sed etiam eam suppositum destruit hisce ver- bis: « Quis sit subditus alienus et quis proprius, ad effectum suscipiendi ordines, aperte declaravit Innocentius XII in Const. Speculatores die 4 Nov. 1 6 9 4 ».

Infitiandum tamen non est adolescentes illos per quam- dam benigniorem interpretationem considerari posse subditos Episcopi Manizalensis, et idcirco ab eo ordinari licite cum litteris testimonialibus suorum Ordinariorum. Isti reapse do- mos et familias reliquerunt, at cum adhuc filii-familias sint, nulla profecto bona transferenda habere possunt. Insuper eo- rum Ordinarius non solum, quominus e dioecesi discederent eos non prohibuit, quin immo ne vult quidem ut revertan- tur, sed ut ab alio ordines recipiant ultro permittit, ita eos -a sua potestate quasi solvendo. Ad haec adde factum de gratuitis alimentis, quae hucusque a Seminario Manizalensi nonnulli ex illis adolescentibus acceperunt. Tandem si spiritus Bullae Innocentianae attendatur, benignior interpretatio om- nino contraria non apparet menti legislatoris, compescere vo- lentis sacrilegam illorum impudentiam, qui ordines ab alieno Episcopo suscipere praesumebant « absque dimissoriis com- mendatitiisve suorum Ordinariorum litteris, quinimo eis insciis et saepe etiam invitis ». In themate vero Episcopus ordinans durante triennio iudicium de candidatorum idoneitate sibi efformare valet, et ipse Episcopus originis favorabile testi- monium de ordinandis tradidit.

Resolutio. S. Congr. Concilii, re diligenter perpensa, die 21 Ianuarii 1 9 0 5 rescribendum censuit:

Attentis omnibus, pro gratia ad triennium, firmo iura-

mento ad tramitem Bullae Speculatores, et cum testimoniali-

bus ad tramitem iuris, facto verbo cum SSmo.