782 Index generalis

Horum duo ex Canonicis Cathedralis Ecclesiae, quorum alter ab Epi- scopo alter a Capitulo eligendus est, et duo a Clero sumi debent, quorum unus pariter ab Episcopo, alter a Clero seligi debet, pag. 615.

Quamvis eorum officium perpetuum sit, tamen si deputatus a Clero Canonicatum in Cathedrali Ecclesia assequatur, eo ipso, a deputati munere cessat, ibid.

Sepulturae ius.

Defunctus, qui nullam sepulturam elegit tumulandus est in sepulchro maiorum, eoque non extante, in propria paroeciali Ecclesia, pag 693.

Quamvis ex veteri iure omnibus et solis Ecclesiis paroecialibus com- peteret ius Sepulturae, attamen ex speciali recentiorique iure pluribus aliis templis idem ius competit, pag. 38.

Inducta lege publici coemeterii hoc sepeliendi ius, quoad omnia con- nexa iura, sartum, fectumque manet, excepta materiali cadaveris deposi- tione postea in publico coemeterio iuxta locorum morem facienda, ibid.

Per illegitimam Regularium suppressionem et dispersionem eorum templa non amittunt ipso facto ius sepeliendi: eiusmodi enim ius, quam- vis fortasse intuitu existen.is Regularis familiae templo ipsi fuerit acqui- situm : acquisitione huius iuris facta, manet ius reale, templo ipsi perpetuo inhaerens, quoadusque canonice eodem iure templum non expolietur, aut ius extinctum non declaretur, pag. 40.

Per possessionem enim iuris sepeliendi templo quaesiti realia iura in fidelibus exurgunt sive per constituta sepulchra maiorum sive per maiores ex electa sepultura ibidem reconditos, quae iura pendere non possunt unice a variabili facto existentiae regularis familiae, ibid.

Sponsalia.

Ad evincendam sententiam sponsalium non sufficit ut una pars tan- tum promittat, sed necessaria est repromissio alterius contrahentis, pag. 703.

Haec autem promissio et repromissio peculiari externae solemnitati non subiicitur, hinc et ipsi locorum Ordinarii sub intuitu vitandi scandala et damna non possunt sub nullitatis poena subiicere sponsalia aliis pecu- liaribus solemnitatibus, quam iis, quae ex iure communi agnoscuntur, ibid.

Sponsalibus per verba de futuro contrahendis nullam formam prae- scripsit Concilium Tridentinum, ideoque eo modo contrahuntur quo ante Concilium Tridentinum contrahebantur, ibid.

Quare satis est in foro externo ad probandam Sponsalium existen- tiam, ut de mutuo contrahentium consensu sive per verba, sive per signa, sive per alia quaevis aequipollentia expresso constiterit. Cap. 21, 23 de Sponsal., ibid.

Non sufficit tamen quoddam propositum et velleitas contrahendi ad statuenda sponsalia, sed certae probationes exiguntur, ex quibus appareat utriusque partis formalis consensus, ibid.

In dubio verborum, aut signi promissionis Sponsalium in foro externo, standum est in favore libertatis. S. C. Concilii 5 aprilis 1851 et 31 mar- tii 1760, ibid.