Acta PU Pp. XU 8 0 5

Septemlacunensem ergo dioecesim ut suffraganeam subdimus metropoli

Bellohorizontinae, eiusque Episcopum iure obnoxium Archiepiscopo Bel-

lohorizontino volumus. Decernimus pariter ut idem Praesul sedem ac

domicilium in urbe vulgo « Sete Lagôas » statuat, a qua nova dioecesis no-

men mutuatur, cathedram vero suae auctoritatis collocet in aede S. Anto-

nii Patavini, inibi exstante ; quod templum, quemadmodum urbem atque

dioecesim, de quibus loquimur, iisdem decoramus honoribus, iuribus ac

privilegiis quae ad ceteras episcopales urbes, cathedrales aedes atque

dioeceses spectant; Episcopum vero et iuribus instruimus et oneribus

astringimur, quae episcopalem consequuntur dignitatem. Ut vero in Sep-

temlacunensi cathedrali templo divinus cultus debita magnificentia

habeatur atque Praesul eorum virorum corona iuvetur, qui animi inge-

niique dotibus praestent, volumus ut Ganonicorum Collegium cito eri-

gatur iuxta peculiares normas, quas per alias sub plumbo Litteras de-

scribemus ; quoadusque vero huiusmodi Collegium condi nequeat, conce-

dimus ut Canonicorum loco dioecesani Consultores eligantur. Episco-

palis vero mensa sive Curiae fructibus constabit, sive a fidelibus rebus

pecuniisque sponte oblatis, sive bonis quae, peracta divisione rerum

opumque mensarum Bellohorizontinae et Adamantinae, huic dioecesi pro

rata parte contingent, servatis iussis canonis 1500 C. I. C. Quandoqui-

dem autem summa est conferenda diligentia ad pueros educandos, quos

Christus suavissimo ductu ad sacerdotium traxerit ineundum, Septemla-

cunensis Episcopus curabit seminarium saltem elementarium quam pri-

mum erigendum, ad iuris normam et iuxta praescripta a S. Consilio

Seminariis studiorumque Universitatibus praeposito data, ex eodemque

optimos quosque eliget adulescentes, quos in hanc almam Urbem mittet,

in Pontificio Ephebeo Piano Latino Brasiliano philosophia ac theologia

rite imbuendos. Quod autem ad novae dioecesis regimen et administra-

tionem attinet, item ad Capitularem Vicarium renuntiandum, cum Sedes

vacaverit, ad fidelium et sacerdotum iura et officia, ad aliaque huiusmodi,

servanda praecipimus quae Codex Iuris Canonici iubet. Decernimus

quoque ut simul ac dioecesis Septemlacunensis erectio ad effectum de-

ducta fuerit, clerici Ecclesiae illi habeantur addicti, cuius territorium

recte et inre incolunt, utque omnia documenta et acta, quae ad novam

Sedem ad eiusque clericos, fideles ac temporalia bona spectant, a metro-

politanis Bellohorizontina Adamantinaque Curiis cito ad Septemlacu-

nensem Curiam mittantur, in eius tabulario custodienda. Venerabilem

denique Fratrem Armandum Lombardi, quem supra nominavimus, ad ea

quae hisce Litteris praescripsimus efficienda deligimus, vel eum qui eo