QUAESTIO UNICA.

Utrum Deum (a) esse praesentem ubique secundum potentiam inferat ipsum esse ubique secundum essentiam, hoc est, utrum omnipotentia inferat immensitatem f

Alensis 1. part, quaest. 9. membr. 4. et quaest. 10. membr. 2. Henric. sum. art. 30. quaest. 5 . D. Tbom. 1. part. quaest. 8. art. 1. et 2. ubi recentiores. D. Bonavent. hic art. 1. quaest. 1. et art. 2. quaest. 1. et 2. Richard. art. 1. quaest. i. et 4. Durand. quaest. 1. et 2. Caprepl. quaest. un. art. 3. et 4. Gabr. quaest, un. art. 3. dub. 1. et 3. Suarez in Metaph. disp. 30. stet. 7. Vasquez 1. part. disp. 27. 28. 29. Scotus 7. Physic. text. 10. et quaest. 3. Occham hic quaest. unic. Bassol. quaest, un. Mayr. Me quaest. 1.

Circa distinctionem trigesimam septimam, quaero unum : Utrum Deum esse praesentem ubique secundum potentiam, inferat ipsum esse ubique secundum essentiam, hoc est, utrum omnipotentia inferat immensitatem ? Quod sic. Omne agens est praesens passo, secundum Philosophum 7. Physicorum ; et hoc immediate, si immediate posset agere in illud ; vel mediate, si agat in illud mediate. Omnipotens autem potest agere in quodlibet immediate ; ergo est praesens cuilibet immediate.

Oppositum arguitur : potest enim causare aliquid extra universum, et tamen ibi non est secundum essentiam ; ergo, etc.