John Duns Scotus,
In Librum Quartum Sententiarum
⎗←⎅→⎘
All
Text
English
Original
TOC
TOC + English
TOC + Original
In librum quartum sententiarum
Quaestio i. utrum transubstantiatio sit possibilis?
Quaestio i. de essentia sacrificii in genere.
Quaestio iii. virum fiat sacrificium in missa.
Quaestio v. quid offertur in hoc sacrificio ?
Quaestio vii. quisnam sit effectus hujus sacrificii ?
Quaestio i. utrum fuerint licita aliquando bigamia ?
Quaestio iv. utrum resurrectio sit naturalis
Quaestio v. utrum resurrectio futura sit in instanti
Quaestio i. utrum in deo sit justitia?
Quaestio xiv. . utrum corpora beatorum erunt agilia?
Utrum matrimonium fuerit immediate institutum a Deo ?
D. Thom. in suppl. q. 2. art. 2. et hic quaest. 2. art. 2. D. Bonav. art. 1. q. 2. Richard. art. 1. quaest, 3. Durand. quaest. 3. Palud. quaest. 4. Bellarm. lib. 3. de Matr. cap. 2. et 3. Castro v. Matrim. Sanohius lib. 2. de Matr. d. 4. et 9. Patres citandi Schol. 5. Caecius in thesauro tom. 2. lib. 9. art. 1.
Circa istam vigesimam sextam distinctionem, quaero utrum matrimonium fuerit immediate institutum a Deo ? Quod non, Gen. 2. ait Adam : Hoc nunc os ex ossibus meis. Et sequitur : Quamobrem relinquet homo patrem et matrem, et adhaerebit uxori suae; ubi dicit glossa, quod tunc institutum fuit Sacramentum Matrimonii, et Salvator allegat hoc in Evangelio: ergo Adam instituit illud, et per consequens non immediate fuit a Deo institutum.
Praeterea, circa institutum a Deo nullus inferior Deo potest aliquid immutare; sed Ecclesia immutat aliquid circa matrimonium, quia aliquas personas, quae alias essent legitimae ad contrahendum, illegitimat; ergo. Contra, Matth. 19. ait Christus
Pharisaeis : Non legistis, quia qui fecit hominem ab initio, masculum et foeminam fecit eos; et sequitur, quod Deus conjunxit, homo non separet.