9 0 4 Acta Apostolicae Sedis. - Commentarium Officiale.

E P I S T O L A E .

I.

AD R. P. D. BERNARDUM HERRERA RESTREPO,

BOGOTENSIUM ARCHIEPISCOPUM, ANNOS XXV EPISCOPATUS EXPLENTEM.

Venerabilis Frater, salutem et apostolicam benedictionem. - Nun-

cium vixdum allatum Nobis est subeuntis episcopatus tui natalis quinti

ac vigesimi, vota quidem pro incolumitate tua absentes fecisse haud

satis habuimus: opportunum duximus hisce etiam litteris tibi adesse lae-

tanti. Hanc pietatis significationem tua a Nobis exposcit pastoralis

navitas. Nescii enim haud sumus te hoc potissimum nomine vulgo lau-

dari quod , nullam officii sanctissimi partem missam faciens, multum

contendas dioecesis clerum, sive in sacris seminariis in Ecclesiae spem

adolescat, sive, sacerdotio auctus, vineam Domini excolendam sit aggres-

sus, ita sancte instituere ut quicumque eidem iungitur, verbis utimur

Sancti Gregorii, aeternae vitae sapore condiatur. Optimum sane consi-

lium, idemque, hoc maxime tempore, quum effrenatis licentia moribus

christiana disciplina in quotidianum vocatur discrimen, dignum plane

quod a Sacrorum Antistitibus pari discrimini contentione urgeatur.

Magna enim vis exempli, et vix ullum suppetit medium ad homines

Christo lucrifaciendos aptius quam sancta clericorum consuetudo. Ea

quippe brevi et efficaci itinere quisquis edocetur quid christiana postu-

let professio, et ad idem persequendum animus facilius permovetur.

Tene igitur quem coepisti cursum: perspicis qui eiusdem futurus sit

exitus, quum probe scias virtutes concreditarum ovium fore gaudia

aeterna pastorum.

Ne vero ad fructuosos labores, aetatis flexu, te animi deficiant

vires, Apostolicam Benedictionem, coelestium auspicem bonorum, tibi,

Venerabilis Frater, et omnibus qui tuae parent sacrae potestati, per-

amanter in Domino impertimus.

Datum Romae, apud S. Petrum, die x Octobris anno MCMX , Pon-

tificatus Nostri octavo.

PIUS PP. X.