MEMBRUM I. Quid sit mortale peccatum ?

Ad primum sic proceditur:

Videtur, quod non debeat dici mortale peccatum.

1. Si enim dicitur mortale peccatum,

quod morte punitur: tunc non omne mortale potest dici mortale: quia non omne mortale morte punitur, scilicet naturae: fornicatio enim non punitur morte temporali secundum legem,

3, Si autem dicatur mortale, quod morte aeterna puniendum est in inferno: tunc videtur, quod non per se dicatur mortale, sed conditionaliter, ut si per paenitentiam non deleatur: quia si per paenitendam deletur, non punietur morte aeterna: et sic conditionaliter dicitur mortale, non per se.

3. Adhuc, Qui damnati sunt in inferno, non videntur esse mortui: vivunt enim, et sentiunt, et intelligunt: qui sunt actus vitae. Apocal, ix, 6: In diebus illis quaerent homines mortem,, et non invenient eam: et desiderabunt mori ei fugiet mors ab eis. Et sic videtur, quod mortale non debeat dici mortale ob hoc, quod in inferno punitur.

Si autem dicatur mortale, quia separat a vita gratiae: tunc videtur, quod sola infidelitas dicitur mortale peccatum. Habacuc, ii, 4: Justus ex fide sua vivet . ''Et ita non sunt multa mortalia, sed unum.

Solutio. Dicendum, quod mortale dicitur mortale et mors animae: quia separat a principio vitae quod est Deus, et ab influentia vitae quae est gratia gratum, faciens. Potest etiam dici mortale, quia punitur morte aeterna. Ad Roman, i, 18 et seq,, Apostolus enumerat multa mortalia peccata, et postea infert: Non intellexerunt quoniam qui talia agunt digni sunt morte: ei non solum qui ea faciunt, sed etiam qui consentiunt facientibus.

Ad primum ergo dicendum, quod non ideo dicitur mortale, quod puniatur morte temporali: sed, ut dictum est, quia separat a. principio vitae, sicut dictum est, quod est Deus, quod influit vi- tam per gratiam. Sicut enim anima influit vitam corpori, ita Deus influit vitam animae.

Ad id quod dicitur, quod conditionaliter dicatur mortale, dicendum quod simpliciter dicitur mortale: quia morte aeterna dignum est quamdiu est. Si autem per paenitentiam deletur: tunc non est mortale, quia per gratiam deletum est.

Ad id quod objicitur, quod illi qui in inferno sunt, vivunt, dicendum, quod talis vita continua mors est: quia continua separatio a beatae vitae principio, et continuus sensus mortis aeternae. Unde Bernardus super Cantica: " Continue moritur, et numquam permoritur vivens in inferno. "