QUAESTIO I.

Utrum Christus in forma humana judicabit ?

D. Thom. in addit. quaest. 90. artic. 2. et hic quaest. 1. art. 2. D. Bonav. art. 1. quaest, 1. Richard. art. i. quaest. 2. Arcent. quaest. 1. art. 1. Satas q. 2. art. 1. Suar. 3. part. tom. 2. dist. 57. sect. 9.

Circa istam (a) distinctionem quaero primo, utrum Christus in forma humana judicabit? Quod non. Judicare non est nisi potestatem habentis, et donimium super judicatum: Christus secundum naturam humanam est frater noster: ergo non Dominus.

Praeterea, Augustinus lib. 3. et ponitur in littera super illud Joan. 5. Filius quos vult vivificat, suscitat corpora, non Pater, sed Filius secundum dispensationem humanitatis, in qua est minor Palre; et post subdit: Secundum autem quod Deus est, vivificat animas. Judicare autem magis pertinet ad animam quam ad corpus; ergo illud non competit Christo. nisi secundum quod Deus est.

Praeterea, si in forma humana judicabit, aut ergo gloriosa, aut non? Si gloriosa, sequitur duplex inconveniens : Primo, quod corpus gloriosum possit videri oculo corporali, et hoc non glorioso, qu ia damnati videbunt eum, juxta illud Joan. 19. Videbunt in quem transfixerunt. Aliud est inconveniens, quia tunc damnati delectarentur in visione illius formae gloriosae ; delectabile enim praesens et perceptum a sensu, delectat: nullam autem delectationem habebunt in aspectu Judicis, sed dolorem et tremorem; sed secundum videtur esse contra illud Luc. 21. Veniet cum potestate magna et majestate.

Oppositum Joan. 5. Potestatem dedit ei judicium facere, quia filius hominis est ; ergo secundum naturam humanam data est sibi potestas sic judicandi. Praeterea, Job 36. Causa tua quasi impii judicata est ( Glossa a Pilato), ideo judicium causamque suscipias, dicitur Christo et primum non est verum, nisi secundum naturam humanam:ergo.