QUAESTIO IV.

Utrum beatitudo per se consistat in actu intellectus vel voluntatis?

D. Thom. 1. 2. quaest. 3. art. 4. et 8. et hic q. 1. art. 2. Richard. art. i. quaest. 7. Duranti.

quaest. 4. Solas quaest. i. art. 3. Gabr. quest. 2. art. 2. Major quaesf. 5. Vasquez 1. 2. disp. 11. top. 3 . 4.Vide" in g Nulla potestas est.

Utrum (a) beatitudo per se consistat in actu intellectus vel voluntatis? Quod intellectus, probo, Joan. 17. Haec est vita aeterna, ut cognoscant, etc.

Praeterea, Augustinus 1. de Trinit. cap. penult. visio est tota merces.

Praeterea 10. Ethic. ex intentione probat quod felicitas substantiarum separatarum consistat in speculatione, et ex hoc concludit quod nostra felicitas est in speculatione, quia magis similes illis propter hoc effioimur.

Praeterea 1. Ethic. Beatitudo est bonum sufficiens; sed hujusmodi est visio secundum illud Philippi, Joan. 14. Domine ostende nobis Patrem, et sufficit nobis.

Oppositum 1. de Trinit. cap. 13. solo illo illustrari perfruique sufficiet. Praeterea. ibidem cap. 5. Beatus est qui habet quidquid vult; ergo in operatione maxime volita, maxime consistit beatitudo: voluntas magis vult operationem suam quam operationem intellectus, quia est perfectio propria, et unumquodque magis appetit perfectionem propriam quam illam, quae est per se alterius, licet aliquo modo sit sua.

Praeterea, Augustinus 1. de doctrina Christiana cap. 6. Summa merces est, ut ipso perfruamur; frui est actus voluntatis,quia est amore inhaerere ; summa merces nostra est beatitudo ; ergo.