712 Acta Apostolicae Sedis - Commentarium Officiale

inveniretur. Huiusmodi periculi conscius, beatus Iosephus Vaz clam de navi

egressus est Jaffnae anno MDCLXXXVI et, quadam cum difficultate, fideles

catholicos Tamilenses et Cingalenses convenit qui fidem suam occulte cus-

todiebant, pro iis sanctam Missam noctu celebrans. Ex ora maritima deinde

prosecutus est usque ad urbem caput Columbum. Intus regionis anno MDCXC

morari coepit in regno Candio, quod independens mansit ab occupatione

Lusitana et Hollandiensi. Hic etiam comprehensus est quoniam advena, sed

post mirabile factum, ab eo perfectum, liberatus est facultatemque recepit

libere per regnum ambulare, ubi itaque potuit fructuosum apostolatum exer-

cere. Convertit Evangelia in sermones Tamilensem et Cingalensem et instituit

in insula plurimas catholicas communitates, christianam fìdem diffundens.

Beatus Iosephus Vaz felicem coniunctionem effecit orientalis ascetismi cum

christiana spiritualitate, propria vita demonstrans quomodo fides catholica

exsistere posset diversis in culturis, fragrantiam spargens amoris Domini

in quoque possibili geographico et culturali contextu. Indefatigabilis navitas

et omne genus mortificationes, continuata oratio et extrema ascesis, cui

corpus suum subiecit, vires eius consumpserunt. Peregrinationem terrestrem

conclusit die XVI mensis Ianuarii anno MDCCXI Candii, quae facta est sedes

eius actuositatis missionalis in Taprobane.

Considerata fama sanctitatis, qua circumdatus est in vita et morte,

anno MDCCXIII, iam duos annos post obitum, Goae inchoati sunt Proces-

sus Informativi de fama sanctitatis, virtutibus et miraculis. Varia rerum

adiuncta haud siverunt causa ut evolveretur. Tantummodo anno MDCCCXCII

possibile fuit causam renovare, etiam propterea quod localis Ecclesia iugiter

magnam servavit devotionem pro « suo Apostolo » nec « fama signorum » um-

quam est interrupta. Anno MCMLIII est inchoatus Processus Apostolicus. Die

XIII mensis Maii anno MCMLXXXIX Decessor Noster sanctus Ioannes Paulus II

confirmavit eum virtutes heroico modo exercuisse atque die VI mensis Iulii

anno MCMXCIII decretum super miro promulgavit. Idem Summus Pontifex

die XXI mensis Ianuarii anno MCMXCV Columbi in Sri Lanka eum Beatum

sollemniter proclamavit.

Insequentibus annis devotio fidelium et cultus liturgicus huius Beati valde

sunt diffusi, praesertim variis in dioecesibus Sri Lankae, in Indiis aliisque

regionibus Orientis. Eodemque tempore Beato multa putata mira tributa sunt

ac excellentes gratiae, quae ipsius monstraverunt intercessionis potentiam