1196 Acta Apostolicae Sedis - Commentarium Officiale

est ingressa nomen Irenam accipiens. Ad missiones in Africa deinceps est

destinata, primum in Kenia, ubi primum bellum mundiale vastationes attulit

et dolores. Soror Irena navitatem explevit in valetudinariis campi militaribus

in quibus « Carriers Corps » adstabant, baiuli videlicet indigeni. Bello finito, in

urbem Daressalaamensem est missa. XXVIII annos nata argenteo nomismate

Regalis Britannicae Rubrae Crucis ob sui ipsius pro infirmis neglegentiam

est insignita. Anno MCMXX Gicondi est missa ibique ad mortem mansit.

Eius apostolica operositas non solum ad aegrotantes in valetudinario

spectabat, sed etiam vicos longe distantes, quibus eodem tempore fidei lu-

cem, singularem caritatem atque spiritalem corporalemque consolationem

afferebat. Die XXXI mensis Octobris anno MCMXXX, post longum iter missio-

narium inter incolas sororibus « a Consolata » concreditos, XXXIX annos nata,

febribus consummata et corporis debilitate, pie in Domino obdormivit. Eius

superiores eiusque sociae constantem eius promptamque inclinationem in

Deum eiusque voluntatem testantur, amatam et quaesitam sine cunctatione,

ab adulescentia usque ad postremam vocationis approbationem, summum

scilicet vitae sacrificium. Oratio ei gaudio erat, simul cum ardenti sacramen-

tali vita atque amore liturgiae. A Iesu Sacramentato vim ad vitam missionis

trahebat quae eam effecit non solum ut aegri ministra fieret, sed etiam

« universalis praedicatrix, magna Dei praedicatrix » inter illos qui nondum

dulce nomen Iesu cognoverant. Missionalem zelum cum spiritu oecumenico

coniunxit ita ut christianos aliarum ecclesiarum conveniret, peccatores et

omnes qui ab Ecclesia distabant. In fide invicta spes solidum invenit fun-

damentum: in valetudinariis militaribus locum habuit peraptum ad spem

vitae aeternae dolentibus iniciendam. Etiam hodie exemplar sororibus exstat

vitae et incitamenti, quae in ea charisma vident incarnatum Fundatoris, id

est beati Iosephi Allamanno.

Archiepiscopus Taurinensis, urbis videlicet in qua Domus Mater Instituti

Sororum Missionariarum a Consolata exstat, simul cum sacrorum Antistite

Nyeriensi, in Kenia, augescente sanctitatis fama, Inquisitionem celebravit

dioecesanam, Decreto Congregationis de Causis Sanctorum die XXIX mensis

Ianuarii anno MCMXCIII validam declaratam. Consultores Theologi in Congres-

su peculiari die VII mensis Maii anno MMX edixerunt Venerabilem Servam Dei

virtutes heroicum in modum exercuisse. Eiusmodi sententiam etiam Patres

Cardinales et Episcopi in Sessione ordinaria die XV mensis Februarii anno

MMXI protulerunt. Summus Pontifex Benedictus XVI Congregationi de Causis